World Wide Web

Representazión grafica d'o World Wide Web arredol d'a Wikipedia

O WWW (acronimo anglés de World Wide Web, Gran Tiraraina Mundial) u simplament web ye un rete de pachinas escritas en ipertesto por meyo d'o luengache de marcas HTML e coneutatas entre sí por meyo de binclos, de traza que formen un solo cuerpo de conoximiento por o que se i puet nabegar fazilment. Ta azeder-ie ye indispensable un nabatiador web. Fue creyata por Tim Berners-Lee cuan treballaba en o CERN de Chinebra, Suiza. El mesmo diriche o W3C, l'organismo que s'encarga de mantener-ne en funzionamiento.

O web se basa en tres estandars ta funzionar: o Uniform Resource Locator (URL), que s'encarga de dar una adreza unica ta localizar cada pachina; o Hyper Text Transfer Protocol (HTTP), que espezifica la traza en que se nimbiará e rezibirá la informazión entre o nabatiador e o serbidor; e o Hyper-Text Markup Language (HTML), un metodo ta espezificar como s'ha de beyer ista informazión en o nabatiador. Acompañan á l'HTML, o CSS, ta definir aspeutos de diseño, u o JavaScript ta fer chicotas programazions en a web. Tamién se fa serbir muito actualment ta chuegos e webs con muitos efeutos bisuals, o Flash de Macromedia.

En aragonés, cuan se parla de "web" en masculín se fa referencia á lo sistema web u bien á un puesto web, pero cuan se parla de "web" en femenín se fa referencia á nomás una d'as pachinas web d'o sistema. Plantilla:Destacato