Teoría de conchuntos

Diagrama de Venn que amostra un conchunto $A$ contenito en atro conchunto $U$ e a suya esferenzia $A^{\complement }$.

A tioría de conchuntos ye una dibisión d'as Matematicas que estudea os conchuntos. O primer estudeo formal sobre o tema fue reyalizato por o matematico alemán Georg Cantor, Gottlob Frege e Julius Wilhelm Richard Dedekind en o sieglo XIX e dimpués reformulata por Zermelo.

O conzeuto de conchunto ye intuitibo e poderba definir-se como una "colezión d'ochetos"; asinas que, se puet parlar d'un conchunto de presonas, ziudaz, gafas, lapizeros u d'o conchunto d'ochetos que bi ha en un inte denzima d'una mesa. Un conchunto ye bien definito si se sape si un determinato elemento pertenexe u no á lo conchunto. O conchunto d'os boligrafos azuls ye bien definito, porque en beyer un boligrafo se puet saper si ye azul u no. O conchunto d'as presonas altas no ye bien definito, ya que en beyer una presona, no siempre se puet dezir si ye alta u no, u puet aber distintas presonas, que opinen si ixa presona ye alta u no'n ye. En o sieglo XIX, seguntes Frege, os elementos d'un conchunto se definiban nomás por una u atra propiedat. Autualment a tioría de conchuntos ye bien definita por o sistema ZFC. Manimenos, contina estando prou conoxita la definizión que publicó Cantor:

Se entiende por conchunto á l'agrupazión en un tot d'ochetos bien esferenziatos d'a nuestra intuizión u a nuestra mente.

Georg Cantor