Sistema niervoso

O sistema nervioso humán

O sistema nervioso ye un rete neuronal de celulas especializatas que transmiten información sobre o entorno d'un animal y sobre o mesmo. Procesa ista información y ocasiona reaccions en atras partis d'o cuerpo. Ye constituyito por milenta de millons de neuronas e atras celulas especializatas ditas glias, que facilitan a función d'as neuronas. Encara que o sistema nervioso constituye una unidat morfolochica y funcional, ta simplificar o suyo estudeyo gosa dividir-se en dos alpartatos: sistema nervioso central, formato por o encefalo y a medula espinal, y sistema nervioso periferico, á que corresponden as dotze parellas de nervios que salen d'o encefalo, as 31 parellas que salen d'a medula espinal e as ramificacions que s'extendillan dica la periferia. As neuronas cheneran y conducen impulsos entre y aintro d'os dos sistemas. En respuesta á los estimulos, as neuronas sensorials d'o sistema nervioso periferico cheneran e propagan sinyals á lo sistema nervioso central que las procesa e nimbía nuevas de vuelta á los musclos y glandulas. As neuronas d'o sistema nervioso d'os animals son intercomunicatas en aliniamientos complexos y emplegan sinyals electroquimicas y neurotransmisors ta transmitir impulsos d'una neurona á la siguient. A interacción entre diferents neuronas forma os circuitos neurals que regulan a percepción d'o mundo d'un organismo y qué ye pasando en o suyo cuerpo, d'ista traza tamién regulan o suyo comportamiento.

O sistema nerbioso se troba en muitos animals multicelulars pero ye muit diferent en grau de complexidat entre una y atra especie.

O sistema nervioso ye d'orichen ectodermico. Por grau de complexidat podemos distinguis uns cuantos tipos de sistema nervioso, o plexo subepidermico d'os cnidarios, o sistema nervioso cordiforme d'os anelidos, artropodos y moluscos y o sistema nervioso d'os cordatos. O sistema nervioso d'os cordatos ye dorsal y se situa por denzima d'a notocorda, a diferencia de muitos filos de metazoos, que lo tienen ventral.