Huerta

Ta atros usos se beiga güerta (desambigazión)

Ambista d'a güerta de Valencia

Una güerta ye o terreno de regano situato en arredol d'una ziudat u lugar. En ella s'arroclan de conchunta toz os termins de riego, campos, torres e zeicas d'a redolada. O termin güerta fa referenzia á un rolde de güertos con bella carauteristica común, encara que á begatas tamién podemos referir-nos á güerta cuan charramos d'o terreno de cautibo d'ortalizias ta gasto de casa cuan iste ye una miqueta más gran que un simple güerto.

As güertas gosan trobar-se en as begas d'os ríos ya que son un tipo d'agricultura que requiere muita augua, encara que á begatas s'emplega tamién o riego por goteo que premite escusar augua. Os prenzipals cautibos d'as güertas son as ortalizias, as berduras, legumbres e á begatas árbols fruitals, por ixo se dizen chenericament cautibos orticolas.

Exemplos de güertas son a güerta balenziana u a güerta murziana. En muitas ziudaz con o suyo creximiento as güertas son desapareixendo, asinas en Valencia por exemplo a superfizie de güerta s'ha reduzito muito e en Zaragoza una d'as suyas güertas más importants en l'auguatuerta de Raniellas fue estricallata en constuyir l'Expo 2008 e problablement tamién s'estricalle a güerta d'as Fuents, una d'as zagueras d'o monezipio, con a construzión d'a futura Expo 2014.

Se beiga tamién

• Güerto