Gneu Pompeyo Magno

Busto de Cneu Pompeyo Magno en Varsovia.

Cneu Pompeyo Magno u Cneu Pompeu Magno, en latín Gnaeus u Cnaeus Pompeius Magnus, estió un politico y cheneral román, naixito o 29 de setiembre de l'anyo 106 a. C., fillo de Cneu Pompeyo Estrabón. Morió refuchiato en Echipto, on fue asesinato o 28 de setiembre de l'anyo 48 a. C.

Luitó contra Sertorio en Hispania. Tornando-ne fundó Lugdunum Convenarum en Comencha.

Pompeyo intervinió en Orient Meyo e prenió Cherusalén. En ixos tiempos en Chudea i eba una guerra civil entre os fariseus, que apoyaban a Hircán II, y os saduceus, que apoyaban a Aristobolo II. Os dos partitos ofrexioron diners a Pompeyo por a suya aduya, pero Pompeyo decidió apoyar a Hircán II, e un exercito conchunto de romans e chodigos asitioron Cherusalén por tres meses y a la fin cayó. Aristobolo fue engarcholato y os suyos partidarios se refuchioron en o templo, que fue preso en l'año 63 a. C, morindo-ie 12.000 chodigos. Pompeyo hi entró plegando dica o Sancta Sanctorum.

Estió aliato politico de Chulio César primero y enemigo dimpués.

Pompeyo en fuents aragonesas

En o "Liber Regum" en parlan:

L otro Tholomeo regno X annos. Estonz fo Siria en poder de los romanos e uino Pompei en Iherusalem e leuo los iudios por patria a Roma. Et estonz fo Chatón el sage. Et adonc naxieron Virgili & Oraci. E regnaua Leopatras en Egipto. Et estonz fo Iulius Cesar emperador de Roma de so cabal, que dantes los cónsules eran señores. Est Iulius Cesar mato so suegro a Pompeus porque no lo quiso collir en la cibdath. Est Iulius Cesar conquerie la maior partida de tod el mundo. E depues mas todos los emperadores de Roma ouieron sobre nomne Cesar por el en suso.

En o "Libro d'o Trasoro" dicen:

Quando Aristobolus finó su vida, Alixandre fue rey de los judios, et apres del ne fue rey Aristobolus fillo de aquesti. Aristobolus fue muerto por la fuerça de Ponpeu. La ora Roma...

En "Vidas Semblantes", traducción de Vidas Semblantes de Plutarco, acomandata por Chuan Ferrández d'Heredia, s'escribe Pompeo.

Tamién en a "Cronica d'Espanya" de García de Eugui:

e fue drechament por cercar a Ponpeyo en vna ciudat que le decian Duracio e asentose muy cerqua de la villa; e Ponpeyo auia feyto en la ciudat grant carcaua e fue Jullio Cesar a combater un castillo que se clamaba Toraz e...