Z-40

A Z-40 u Cuatreno Zinturón de Zaragoza ye una autobía de zercumbalazión d'a ziudat de Zaragoza (Aragón). Se dibide en tres trampos u rondas:

• A Ronda Sur prenzipia en o quilometro 312 de l'A-2 chunto á la feria de muestras de Zaragoza e PLAZA, coneuta con l'A-23 (Autobía Mudéxar) direzión Balenzia. Dimpués bi ha un desbío ta l'A-68 (Autobía de l'Ebro), direzión Castellón. Rodia os bicos de Bal d'Espartera, Casablanca, Torrero e San Chusé. A suya longaria ye de 12 km.

• A Ronda Este prenzipia dimpués de trescruzar l'Ebro con un puent de 400 m de longaria. Dentra por un tónel baxo lo bico de Santa Isabel, trobando-se á la salita un desbió ta l'A-23 direzión Uesca e atro ta l'A-2 direzión Barcelona. Tien una longaria de 7,5 km.

• A Ronda Norte aprofeita parti de l'antiga A-2. Rodia l'ACTUR e l'Expo por o norte, e dimpués de trescruzar l'Ebro atra begata bi ha primero un desbío ta l'A-68 direzión Logroño e dimpués ta rematar un desbió ta l'A-2 direzión Madrit.

Se beiga tamién

• Z-30
• Z-32
• Z-50