Prefectura

Plantilla:Grafía 87 O termín prefeutura s'ha emplegato ta clamar á un orgán de gubierno u aria territorial dende ixas embueltas d'o emperador román Costantín o Grant, qui dibidió o imperio en cuatro prefeuturas, cadaguna dibidita en diozesis. De traza parexita á un estato u una ziudat, teneban un amplo autogubierno, encara que le debeban fidelidat á Roma. O prefeuto yera o cabalto d'a prefeutura.

O 17 d'abril de 1810, Chusé Bonaparte dibidió España en trenta y güeito prefeuturas en sustituzión d'os correchimientos. No se desbinioron efeutibas de tot por os escaizimientos d'a Guerra d'a Independenzia española. Se suprimioron en 1814 con a tornata de Ferrando VII.

Altres puestos

• En Quebec (Canadá), o prefeuto diriche una "monezipalidá rechional d'o condato".
• Chapón ye dibidito en 47 prefeuturas.
• Madagascar tien seis provincias, subdibiditas en prefeuturas, subprefeuturas y cantons.
• Marruecos ye dibidita en 35 provincias y siet prefeuturas urbanas.
• Grezia ye formata por 13 rechions almenistratibas que se subdibiden en 51 prefeuturas (griego: νομοί, singular - νομός)