Museu

O Museu Provincial, en Tergüel.

Museu Oscar Niemeyer, en Curitiba, Brasil.

Museu Nabal Noruego d'Hortenissa (2006)

Un museu ye una institución permanent sin animo de lucro, accesible á o publico y á o suyo servicio, y que guarda biens culturals muebles u immuebles (libros, obras d'arte, u d'atros) ta a suya conservación, estudeyo, exhibición y espardidura y ta a educación y espleitamiento cultural y estetico d'os ciudadans.

En 1977, a Organización d'as Nacions Unitas declaró o 18 de mayo como o Día Internacional d'os Museus.

Etimolochía

A parabra provien d'a parabra latina museum, que vien d'o griego μουσείο[ν], muséion (u templo d'as musas). Sin d'embargo, estió o nombre d'una institución establita en a ciudat d'Alexandría (Echipto) por Ptolomeu II Filadelfo en 280 aC ta promover o conoiximiento y l'aduya ta os intelectuals.

Historia d'os museus

Antigüidat

Encara que o coleccionismo d'elementos que hue son en os museus ya existiba en l'antigüidat, a ideya d'a suya exposición publica no yera present por ixas envueltas. Encara que tamién s'exponeban biens en os templos, á ormino relacionatos con a relichión. Bi heban tamién bels particulars, normalment de l'aristocracia en l'Antiga Roma y en l'Antiga Grecia, que meteban obras d'arte en lugars destacatos d'as suyas viviendas, encara que no ta o disfrute publico, sino nomás d'os suyos amigos y visitants.

Enrastres externos

• Se veigan as imáchens de Commons sobre Museus.