Idrisí

Plantilla:Grafía 87 Plantilla:Estato desaparexito Idrisí ye una dinastía que dominó parte de l'autual Marruecos dende fins d'o sieglo VIII. Estió important en o prozeso d'islamizazión d'os berbers.

Fue fundata en 788 por Idris I alí Hassaní, presunto deszendient d'o primo d'o profeta que fuyó d'a Meca e se refuchió en o norte de Marruecos. Una tribu local lo proclamó imán encomenzando una politica d'espansión territorial. Morió en l'año 791.

O suyo fillo Idris II yera de mai berber e musulmán ortodocso. En 809 fundó a suya capital, Fez, que fue poblata con arabes de Cairuán, berbers, e chent d'o Emirato de Cordoba, (beluns arabes, belatros muladís), esdebenindo un foco d'arabizazión linguistica. O reino s'estendillaba sobre tot a lo norte de l'Atlas.

Dende o reinato d'Idris II e Muhammad o estato idrisí fue enfeblindo-se por a ostilidat d'os micnasas, os fatimís e os omeyas de l'Al Andalus. Pero continoron propagando l'islam ortodocso entre os berbers.

O zaguer monarca idrisí fue depuesto en l'año 923 por os fatimís.