Diferencia entre revisiones de «Almurabit»

De Biquipedia
Contenido eliminado Contenido añadido
Muro Bot (descutir | contrebucions)
SieBot (descutir | contrebucions)
Linia 71: Linia 71:
[[Categoría:Historia d'Africa]]
[[Categoría:Historia d'Africa]]


[[ar:سلالة المرابطون]]
[[ar:مرابطون]]
[[bg:Алморавиди]]
[[bg:Алморавиди]]
[[ca:Dinastia almoràvit]]
[[ca:Dinastia almoràvit]]

Versión d'o 11:02 27 mar 2010

Plantilla:Grafía 87 Plantilla:Estato desaparexito Os almorabez (en arabe المرابطون al-Murabitun, sing. مرابط Murabit, ermitano) son un mobimiento islamico d'orichen africán que aparixió en l'aria entre Senegal y Mauritania en o sieglo XI y que imposó en buena parte de Berbería a ortodocsia sunita d'a escuela malequín. Imbadioron a peninsula iberica y fazioron desaparixer totas as taifas musulmanas y recular á os reinos cristians.

Imperio almorabet

O nombre d'os almorabez deriba de Ribat, monesterio on rezaban y se preparaban pa o combate melitar contra os infidels. N'isto se parexeban á las ordens militars d'a Cristiandat meyebal. Tamién lis deziban mulattimun porque cubriban a suya cara con un belo u litam.

En a primera mitat d'o sieglo XI o chefe d'os Zenachas saharians, acompañato con o reformador relichioso Abd Allah b Yasin, fundó un monesterio u ribat en a ripa de l'Atlantico, en as costas de Río d'Oro u Mauritania.

En pocos años os Almorabez controloron tot o Sahara ozidental y empezipioron una espansión ta o norte chocando contra a confederazión zanata, ribals anzestrals d'os zenacha. Os nuebos emirs d'a confederazión zenacha Abu Bakr y Yusuf b Tasfin ocuporon os oasis d'o sur de Marruecos benzendo a resistenzia de zanatas y barwatas. Abd Allah b Yassin morió fendo guerra contra os barwatas.

As reformas relichiosas yeran suprimir os impuestos ilegals y predicar a ortodocsia sunnita. Con a muerte de l'Emir Abd Allah b Yassin o problema relichioso pasó a un segundo plan. En 1069 dimpués de benzer á os zanata prenioron Fez, y en 1070 fundoron Marraquex, a que será lur capital. No podioron en un primer inte prener Zeuta, que teneba apoyo d'os reinos taifas andalusins; cuan os reyes taifas andalusins se beyen amenazatos por os abanzes d'Alifonso VI de Castiella e Lion, a flota sebillana aduya á os almorabez a prener Zeuta (1083).

Plegan ta l'Al Andalus en 1086, clamatos por os reis taifas. Dende 1090 prenen o control de totas as taifas menos as d'Albarrazín, Alpuent y Zaragoza, que tardaron más en ocupar porque no podeban atacar-as bien dica que no prenesen Balenzia, feito que se desbenió en 1102.

Muerto l'emir Ali, os suyos suzesors no podioron aturar l'abanze mezmut. Os Mezmuz prenioron Marraquex en marzo de 1147.

Beyer tamién