Diferencia entre revisiones de «Honolulu»

← Ir ta a edición anterior Ir t'a edición siguient →

Contenido eliminado Contenido añadido

En renglón

Versión d'o 21:46 26 mar 2010

Honolulu ye una ziudat estatounitense, en l'estato de Hawaii (en ye a suya capital) y en o condato de Honolulu (tamién en ye a suya capital). Ye en o seutor sudeste d'a isla d'Oahu.

A suya poblazión ye de 371.657 abitans (2000) en una superfizie de 272,12 km², con una densidat de poblazión de 1.365,78 ab/km². Ye a ziudat con mayor numero d'abitants d'o estato de Hawaii.

Toponimia

En hawaián, o nombre d'a ziudat sennifica badía protechita u lugar protechito.

Istoria

Ye fázil que en o lugar bi ese poblazión dende o sieglo XII, seguntes os relatos d'os pueblos polinesios.

O primer europeu en plegar ta Honolulu estió o capitán britanico William Brown, en 1794.

Cuan Kamehameha I, o primer rei de Hawaii, conquerió en 1806 a isla d'Oahu dimpués d'a batalla de Nuuanu Pali, tresladó a suya corte á la localidat de Waikiki.

Dende 1845, a reina Kamehameha III de Hawaii cambeyó definitibament a capital d'o reino de Lahaina (en a isla de Maui) ta Honolulu, orichen d'o crezimiento d'a ziudat.

Dimpués de l'anecsión de Hawaii por os Estatos Unitos, Honolulu esdebenió una d'as prenzipals bases melitars estatounitenses en l'Ozián Pazifico. Asinas, o 7 d'abiento de 1941 os chaponeses atacoron a base nabal de Pearl Harbor (ataque á Pearl Harbor), feito que sennificó a dentrada d'os Estatos Unitos en a Segunda Guerra Mundial.