Diners

Ta l'antiga moneda con iste mesmo nombre, se beiga dinero (moneda).

Monedas

Os diners (u dinero en singular) son un meyo d'intercambeyo de mercaderías. Ye dezir, os diners, se pueden intercambeyar por cualsiquier tipo de bien material u serbizio. En cheneral, cal que aquello que se fa serbir como dinero sía escaso, bien porque s'emplega un bien naturalment escaso, com l'oro u atros metals preziosos, u bien porque se fa artifizialment escaso, como sería o caso d'as monedas e billez de banco.

En l'autualidat, os diners son una abstrazión, á lo menos en as soziedaz industrializatas. A mayor parti d'a reserba monetaria d'un país no esiste fesicament, sino como una entidat contable. As monedas e os billez (os diners en efeutibo) son os tipos de diners fesicos más abituals güé en día, encara que materials como l'oro u l'archent encara mantienen as propiedaz esenzials d'o dinero. Á prenzipios d'o sieglo XXI, l'uso de diners eletronicos (tarchetas de credito u debito) ye cada begata más frecuent en os países industrializatos.