Antonio Aramburo

Antonio Aramburo, naxito d'Erla (Zinco Billas, Probinzia de Zaragoza) o 17 de chinero de 1840 y muerto en Montebideo (Uruguai) o 16 de setiembre de 1912, estió un tenor aragonés. Os musicologos afirman que a suya tecnica mosical yera superior á la d'os consideratos grandes astros d'a Opera, como Julián Gayarre, Angelo Massini, Enrico Tamberlick u Francesco Tamagno, y en España fazió ombra dencluso á o mitico Julián Gayarre.

Estudeyó en Madrit con o mayestro Antonio Cordero, y fazió o suyo debut en Florenzia en 1872. Treballó dimpués en Buenos Aires y Montevideo, y tamién en as prenzipals ziudaz con teyatros liricos, como L'Abana u Moscú.

Teneba un caracter rezio; asinas, mientras una atuazión suya en o Teyatro d'a Scala de Milán, albandonó l'eszenario ta tornar á o suyo palazio, preparar-se'n un plato de migas, poner-se'n un cachirulo y cantar jotas.

Morió en a pobreza en a ziudat de Montevideo, a capital d'Uruguai, o 16 de setiembre de 1912.

Omenaches

Aparix zitato en una obra de James Joyce.

En 1986, Hernán Luis Vigo Suárez presentó a comunicazión El tenor español Antonio Aramburo (1839-1912): un estudio comparativo de tipologías vocales en as Jornadas Argentinas de Musicología y Conferencia Anual de la Asociación Argentina de Musicología.

O 17 de chinero de 2003, s'erichió en a suya memoria un busto d'o tenor, obra d'o escultor aragonés Miguel Cabré, en a suya localidat natal.

Bibliografía

• García de la Puerta López, Vicente: Pasajes de la vida del Tenor Aramburo. Centro de Estudios de las Cinco Villas – Institución Fernando el Católico. Exeya d'os Caballers, 1998.

Enrastres esternos

• (es) Biografía en a Gran Enciclopedia Aragonesa.
• (en) Datos y imachen d'Antonio Aramburo.