Medecina

Iste articlo ye sobre os farmacos. No s'ha de confundir con a medezina, a zenzia que estudeya las malautías

Merezina por bia oral

Una merezina u melezina se puet definir como cualsiquier sustanzia destinata á estar utilizata en o diagnostico, cura, mitigazión, tratamiento u prebenzión de malautías. Ye una sustanzia, simpla u compuesta, emplegata con una finalidat terapeutica cuentra las manifestazions patolochicas, tanto si produze o suyo efeuto suprimindo a causa d'a malautía como si nomás en atenua os sintomas. Ista sustanzia ye integrata en una forma farmazeutica e ye destinata á la suya utilizazión en as presonas u en os animals, dotata de propiedaz ta prebenir, diagnosticar, tratar u curar malautías u ta afeutar funzions corporals u o estato mental, tot ixo por a bia d'almenistrazión adecuata, e con a dosificazión de farmaco prebista. As merezinas que nomás contienen un prenzipio autibo se gosan dezir farmacos. O efeuto terapeutico d'a merezina s'acompaña, á begatas, d'efeutos no deseyables u secundarios.