Diferencia entre revisiones de «Barca»

De Biquipedia
Contenido eliminado Contenido añadido
Jpbot (descutir | contrebucions)
replaced: sobent → sobén
Muro Bot (descutir | contrebucions)
Linia 17: Linia 17:
*[[Barco]]
*[[Barco]]


[[Categoría:Tresporte]]
[[Categoría:Transporte]]


[[ca:Barca]]
[[ca:Barca]]

Versión d'o 14:25 16 mar 2010

Plantilla:Grafía 87

Barca

Una barca ye un beíclo feito ta nabatiar e que por un regular ye de dimensions más chicotas que un barco. A etimolochía ye d'a parola latina barca con o mesmo senificato.

Una barca ye cualsiquier construzión capable de flotar e de desplazar-se por denzima de l'augua grazias á un sistema de propulsión. S'emplega ta o tresporte de presonas u cosas e ta desarrollar autibidaz como a pesca u esportes como a bela u o cayac. As embarcazions pueden estar grans u chicotas, de cualsiquier material (fusta, metal, plasticos, ...). As barcas pueden mober-sen por l'azión umana con remos, por l'aire con belas, con combustible gasoil u gasolina e un motor d'esplosión u con motor eletrico. L'augua sobre la que se mueben puet estar la de lacos, ríos, mars, etz.

A imbenzión d'as embarcazions cal situgar-la en o neolitico, as primeras naus que trescruzoron as auguas yeran utilizatas ta la cazata e a pesca. Á un simple tronco li debioron seguir as embarcazions feitas con chuncos u cañas. As protoembarcazions más antigas (de bels 10.000 años) descubiertas en as escabazions arqueolochicas fuoron tallatas con ainas de piedra á partir de troncos d'árbols rasinosos.

As embarcazions han estato presents en a bida d'os ombres dende bien antigo, han estato indispensables ta o tresporte e o comerzio, a pesca, as guerras e as conquiestas, as grans esplorazions, as colonizazions, a difusión d'a cultura, d'os conoximientos e d'as malautías.

Cualsiquier embarcazión tien una serie d'elementos constitutibos que gosan estar presents independientment d'a mida. Un casco, por un regular solido, que asegura que pueda flotar sobre l'augua e que á begatas puet estar zarrato por a parti superior; un sistema de propulsión e á sobén un sistema direzional.

Se beiga tamién