Diferencia entre revisiones de «Val d'Ordesa»

De Biquipedia
Contenido eliminado Contenido añadido
Jpbot (descutir | contrebucions)
→‎Zonas baxas: replaced: surueste → sudueste
Muro Bot (descutir | contrebucions)
Linia 14: Linia 14:


[[Categoría:Bals pirinencas|Ordesa]]
[[Categoría:Bals pirinencas|Ordesa]]
[[Categoría:Parque Nazional d'Ordesa e d'as Tres Serols]]
[[Categoría:Parque Nacional d'Ordesa y d'as Tres Serols]]


[[en:Ordesa Valley]]
[[en:Ordesa Valley]]

Versión d'o 14:11 15 mar 2010

Plantilla:Grafía 87

A bal d'Ordesa dende o Senda d'os Cazataires en a suya parti meya

A Bal d'Ordesa ye a bal que orichinó a creyazión d'o Parque nazional d'Ordesa y d'as Tres Serols o 16 d'agosto de 1918 chunto con o mazizo d'as Tres Serols, estando dimpués enamplato á la Bal d'Añisclo, os Congostos d'Escuaín y a cabezera d'a Bal de Pineta.

A Bal d'Ordesa encluye una ampla zona de bal, altiplans y tucas (muitas de más de 3000 m d'altaria), cualas mugas serían á lo norte a cresta Mon Perdito-Mondarruego, que sirbe de muga con Franzia en gran parti, á lo sur la cresta Mon Perdito-Acuta y á l'ueste a confluyenzia con a Bal de l'Ara. Tot iste conchunto forma una compleganza flubial, que á trabiés de bal secundarias y saltos d'augua, desemboca en a Bal d'Ordesa, por cuala descurre o río Arazas.

Zonas altas

En as zonas altas destaca una parti d'a cresta Norte, dende o Mon Perdito (3355 m) dica os Cabietos (3034 m), toda una suzesión de tucas de más de 3000 m y en a que s'ubre una gran crepa, la Breca de Rolando, paso "natural" entre Franzia y España y que seguntes a falordia estió ubierta por un trucazo d'a espada de Rolando. Una mica más ta o sur d'a Breca se troba a Espelunga de Casteret, cualo interior ye en gran parti chelato, con colunnas y cadreitas de chelo.

A bersán norte ba deszendendo en una suzesión de circos y bals glazials, con alticamans saltos d'augua, entre os que destaca o Zirco y cadreita de Cotatuero, en cuala cursa se i troban as famosas clabillas de Cotatuero, unas simplas barras metalicas fincatas en una paret bertical de paso obligato y no aptas ta presonas con bertigo.

Zonas baxas

A Bal d'Ordesa ye una bal glazial, con forma de "U", situata á lo sudueste d'as Tres Serols, por a cuala desziende o río Arazas formando bellas cadreitas. Dende a que prenzipia la bal, en o Zirco de Soaso, conoxida como a Coda de Caballo y que pasa por as Gradas de Soaso, una suzesión de moltiples cadreitas escaleronatas, dica os saltos d'augua d'o Estreito y a Espelunga.