Sara Mora Romeo

Sara Mora Romeo ye una actriz escatronera que desembolicó la suya carrera artistica sobre tot en las decadas de los años 1970 e 1980, destacando en lo chenero de lo destape.

Biografía

Naxió en una familia d'Escatrón emigró ta Zaragoza abendo bibito bel tiempo en La Puebla d'Íxar. Dimpués de pasar por collas tiatrals d'afizionatos de Zaragoza, encomienza la suya autibidat en Madrit en 1973. Lo suyo primer estreno profesional en los eszenarios ye en La Muerte de Danton, d'Alberto Gonzáles Vergel e, d'astí enta debant desembolica la suya carrera en este meyo compachinando-la con lo zine a la telebisión, (presenta programas de TVE como Destino Argentina u Sumarísimo).

Lo zine li obre las suyas puertas en lo periodo dominato por las comedias eroticas: Las alegres vampiresas de Vogel (Julio Pérez Tabernero, 1974), La insólita y gloriosa hazaña del cipote de Archidona (Ramón Fernández, 1978), Los energéticos (Mariano Ozores, 1979), La masajista vocacional (Francisco Lara Polop, 1980), La pitoconejo (Zacarías Urbiola, 1982), u atras produzions comerzials tipo Otelo, comando negro (Max H. Boulois, 1982), u Atrapados en el miedo (Carlos Aured, 1984). A suya partizipazión en o chenero de destape ye calificata por muitos espezialistas con optica autual como erotismo peludo.

En 1990 da un chiro a la suya carrera partizipando en proyeutos zinematograficos més importants que encomienzan con lo suyo paper en la serie de T.V.E., La forja de un rebelde, de Mario Camus. Atras zintas a tener en cuenta n'esta nueba etapa son: Tramontana (Carlos Pérez Ferré, 1991), Huidos (F. Sancho Gracia, 1992), Tirano Banderas (José Luis García Sánchez, 1993), Cachito (Enrique Uribe, 1995) u la nueba serie de Curro Jiménez pa Antena 3 TV en 1995.

Filmografía

• Las Alegres vampiras del Vogel (1975)
• El Espiritista (1977)
• La mujer de la tierra caliente (1978)
• Sumarísimo (1978)
• La Pitoconejo (1979)
• Los energéticos (1979)
• Insolita y gloriosa hazaña del cipote de Archidona (1979)
• Las siete magnificas y audaces mujeres (1979)
• Atraco a sexo armado (1980)
• Eva Man (Due sesi in uno) (1981)
• La casada divertida (1981)
• Al sur del edén (1981)
• La frígida y la viciosa (1981)
• La masajista vocacional (1981)
• Othello, el comando negro (1982)
• Atrapados en el miedo (1985)
• Como Pedro por su casa, primer episodio, 1985.

Reportaches fotograficos

• Interviu lumero 97, 23-03-1978.
• Interviu lumero 126, 12-10-1978.
• Interviu extra navidad 1978, "quince niñas a flor de piel".
• Lib lumero 115, chinero de 1979.
• Lib lumero 162, nobiembre de 1979