Diferencia entre revisiones de «Bodiello gordo»

De Biquipedia
Contenido eliminado Contenido añadido
AraBot (descutir | contrebucions)
m Bot: Adding {{Grafía_87}}
m Bot: Cambiada Categoría:Aparato dichestibo
Linia 9: Linia 9:
L'[[apéndiz bermiforme|apéndiz]], que ye unito á la superfize posteromedial d'o bodiello ancho, contiene masas de texito [[limfa|limfoide]]. L'[[apendizitis]] ye o resultato d'un bloqueyo que agafa material [[infezión|infetato]] en a cabidat, pero l'apéndiz, si ye menester, se puet quitar sin garra periglo ni consecuenzia ta o pazient, ya que parixe un remanent d'a [[eboluzión]] e que no tién denguna funzión conoxita en l'autualitat.
L'[[apéndiz bermiforme|apéndiz]], que ye unito á la superfize posteromedial d'o bodiello ancho, contiene masas de texito [[limfa|limfoide]]. L'[[apendizitis]] ye o resultato d'un bloqueyo que agafa material [[infezión|infetato]] en a cabidat, pero l'apéndiz, si ye menester, se puet quitar sin garra periglo ni consecuenzia ta o pazient, ya que parixe un remanent d'a [[eboluzión]] e que no tién denguna funzión conoxita en l'autualitat.


[[Categoría:Aparato dichestibo]]
[[Categoría:Aparato dichestivo]]


[[bs:Debelo crijevo]]
[[bs:Debelo crijevo]]

Versión d'o 07:29 15 mar 2010

Plantilla:Grafía 87

En azul o bodiello ancho

O bodiello ancho, cular, callar u bolsudo ye a zaguera parti d'o sistema dichestibo en os bertebratos. A suya funzión ye absorber l'augua d'os repuis alimentarios no dicheribles ta la suya posterior espulsión d'o cuerpo. Ye formato por o ziego e o cólon, e prenzipia en a rechión iliaca d'a pelbis, á l'altaria u chusto por debaxo d'a zintura, á on que s'une con a parti inferior d'o zago. Dende aquí, contina dica l'abdomen, trescruza transbersalment a cabidat abdominal e, de contino, s'endreza enta abaxo dica plegar á lo suyo punto final, l'ano. Con una largaria d'alto u baxo d'un metro e meyo, representa una zinquena parti d'a lonchitut total d'o estentino.

Dende o zago, os poquez nutrients que no han estato dicheritos prebiament, e parti de l'augua, pasan á lo bodiello ancho á trabiés d'un aniello muscular que mira que os alimentos no tornen á lo zago. O bodiello ancho nezesita de 10 á 12 oras ta rematar a resta d'o prozeso. En ista fase, ya no contina prozesando-se os alimentos; o bodiello ancho simplament absorbe as bitaminas, (por exemplo a bitamina K), creyatas por as bacterias que abitan en o cólon e l'augua restant, compauta os escrementos e almadazena la materia fecal en o reuto dica que sía eliminata por l'ano.

A esferenzia más important con o zago ye que ye más amplo e que presenta una napa muscular lonchitudinal que se reduze á tres estruturas en forma de correya, de bels 5 milimetros d'amplaria, conoxitas como taeniae coli, que prenzipian en a base de l'apéndiz e s'estendillan dende o ziego dica lo reuto. A suya paret s'alineya con o epitelio colunnar simple e, en cuentas de tener as bellosidaz d'o zago, o bodielo ancho presenta glandulas intestinals. Encara que os dos intestins tienen zelulas en forma de cáliz, en o bodiello ancho són más numerosas.

L'apéndiz, que ye unito á la superfize posteromedial d'o bodiello ancho, contiene masas de texito limfoide. L'apendizitis ye o resultato d'un bloqueyo que agafa material infetato en a cabidat, pero l'apéndiz, si ye menester, se puet quitar sin garra periglo ni consecuenzia ta o pazient, ya que parixe un remanent d'a eboluzión e que no tién denguna funzión conoxita en l'autualitat.