Clasificación cientifica

Esquema d'a clasificazión zentifica

A clasificazión zentifica se refiere á la forma que os biologos agrupan e categorizan as espezies bibas u ausiditas de sers bibos. A moderna clasificazión dimana d'o sistema que proposó Carlos Linneu ta clasificar cherarquicament as espezies d'alcuerdo con as suyas carauteristicas fesicas compartidas, e normalizar a suya denominazión. Linneu proposó lo emplego d'una formula consistent en asignar un nombre á cada espezie, composau de dos parolas (Sistema de nomenclatura binominal), a primera ye lo nombre d'o chenero e la combinazión d'as dos designa la espezie concreta.

Os taxons (grupos de clasificazión) están binclaus á una permanent rebisión ta amillorar a consistenzia d'a cherarquia clasificadera d'alcuerdo con o prenzipio d'a deszendenzia común, o cualo dende Charles Darwin ye la base d'esta categorizazión. A sistematica molecular, que emplega l'analisis d'o ADN chenomico, eba plegau en as zagueras añadas á obligar que se fesen belas modificazions e ye á prebeyer-se que contine fendo-lo. Uno exemplo d'ixa renobazión cladistica ye en o nibel más alazetal; clasicament, s'azeptaba la esistenzia de zinco reinos, uno procariotico (reino d'os moneras), e cuatre d'eucarioticos (Protista, Fungi, Animalia e Plantae). Agora, en comparanza, se destinguen tres dominios, dos procarioticos (Eubacteria e Archaea) e nomás uno d'eucariotico (Eukarya), trestallau este zaguer en os cuatro reinos d'alto nombraus.

A clasificazión zentifica ye una d'as fayenas d'a biolochía sistematica e, más concretament, d'a taxonomía.

Se beiga tamién

• Sistema de nomenclatura binominal
• Carlos Linneu
• Espezie