Diferencia entre revisiones de «Gavín»

De Biquipedia
AraBot (descutir | contrebucions)
m Bot: Adding {{Grafía_87}}
m Gabín tresladada á Gavín: Robot: Moved page
(Garra diferencia)

Versión d'o 23:41 2 mar 2010

Plantilla:Grafía 87 Plantilla:Localidá Aragón Gabín (Gavín en castellán) ye un lugar situato en o monezipio de Biescas (Alto Galligo, Uesca).

A bal de Gabín á on se troba iste lugar que li da nombre ye o paso dende a bal de Tena enta la bal de Broto por meyo d'o puerto d'o Cotefablo á trabiés de cuantos tunels.

O suyo nombre parixe que biene d'o antroponimo latín Gapius. A embotadas d'os abitants de Gabín son "sarroners" u "forigons". As casas d'o lugar son Alcaide, Andreu, Antón, Bertolo, Blan, Blas, Caballero, Casaus, Catalán, Cazcarro, Chorche, Chuan Betés, Cura, Diego, Elena, Fabián, Ferrero, Forniga, Frauca, Fuertes, Isábal, Jacinto, Julián, Lorro, Marcos, Martina, Marzal, Molinera, Morel, Periqué, Sebastián, Segundo, Larrés, Olivana, Otal, Parejas, de Pescador, Petronilla, Plo e Tejedo

Un dito d'a redolada sobre Gabín diz:

Gabín perdíu,
as campanas rotas,
e o puente caíu.

Molimentos

Bi ha bels molimentos importans arredol de Gabín.

  • Monesterio romanico de San Pelai (sieglo XI) situato amán d'a desembocadura d'o barranco de Sía. Estió albandonato en o sieglo XI y trobatas as suyas ruinas en 1997.
  • Armita de San Bertolomeu (sieglo X), d'estilo mozarabe serrablés. Situata dezaga o primer tunel d'o Cotefablo. Ye una ilesia d'una nau con abside reutangular. O suyo campanal ye en a parti meridional de l'armita.
  • L'antiga ilesia de Santa María de Gabín d'estilo larredense estió destruyita, como a resta d'o lugar, mientres a Guerra Zebil en 1936. Dezaga d'a Guerra l'abside d'a ilesia estió tresladato á lo parque monezipal de Samianigo.

Fiestas

Enrastres esternos