Diferencia entre revisiones de «Val de Tena»
m Bot: Adding {{Grafía_87}} |
m Bal de Tena tresladada á Val de Tena: Robot: Moved page |
(Garra diferencia)
|
Versión d'o 23:16 2 mar 2010
A Bal de Tena se troba en a besant sur de ro Perineu, en a comarca de l'Alto Galligo e ra trescruza o río Galligo de norte ta sur. B'ha dos entibos en o río: o de Lanuza e ro de Bubal. O Estreito Closura u de Santa Elena siñala ra dentrata á ra bal dende ra Tierra de Biescas. Ye comunicata con a bal d'Osal, en o Biarn, por o puerto dero Portalet dera Nieu.
Os lugars dera Bal son Fornigal, Sallén de Galligo, Lanuza, Escarriella, Pandicosa, O Pueyo de Tena, Sandiniés, Tramacastiella, Piedrafita, Oz de Tena, Bubal, Saqués e Polituara.
A suya economía ye tradizionalment ganadera con bela cosa d'agricultura e autualment tamién s'alazeta en o torismo sobre tot relazionato con a nieu e ros recursos idroeleutricos.
Ye rodiata de montañas de más de 3.000 metros, como son o Pico Os Moros, Bachimaña us Os infiernos.
O chentilizio dera bal ye tensino/a, igual que ro dialeuto de l'aragonés que charran os suyos abitans.
Dibisión almenistratiba tradizional
Dica 1836 a bal se trestallaba ofizialment en tres quiñons estando Sallén a unica billa e capezera de ra bal:
- Quiñón de Sallén: formato por as localidaz de Sallén e Lanuza.
- Quiñón de Partacua: formato por as localidaz de Escarriella, Tramacastiella, Sandiniés, Piedrafita, Saqués e Búbal.
- Quiñón de Pandicosa: formato por as localidaz de Pandicosa, O Pueyo e Oz.
A Chunta Cheneral de ra Bal de Tena yera la instituzión que s'encargaba d'os afers entre os distintos quiñons. A suya seu yera en as Casas de ra bal, en O Pueyo, capital almenistratiba de ra bal.