Diferencia entre revisiones de «Turcople»
m Bot: Adding {{Grafía_87}} |
replaced: sobent → sobén |
||
Linia 1: | Linia 1: | ||
{{Grafía_87}} |
{{Grafía_87}} |
||
Un '''Turcople''' (d'o griego bizantín τουρκoπουλος, "fillo de turco", yera un merzenario por un regular d'orichen [[turco]] e a |
Un '''Turcople''' (d'o griego bizantín τουρκoπουλος, "fillo de turco", yera un merzenario por un regular d'orichen [[turco]] e a sobén de pai turco e mai [[griegos|griega]]. Os turcoples formaban un cuerpo de caballería lichera e bi eba muitos turcoples a lo serbizio d'as ordens melitars establitas en [[Chipre]], [[Cherusalén]] e [[Rodas]] mientres as [[Cruzatas]] (sieglos XI e XIII). Bels turcoples s'adibioron a las tropas [[almogabars]]. |
||
As tropas cruzatas topetoron por primera begata con os turcoples en a Primera Cruzata. A uest turcople formaba parte d'o exerzito bizantín en condizión de tropas ausiliars. A mayoría d'os turcoples yeran fillos de pai turco e mai griega e nominalment cristians. As unidaz turcoples acompañaban a lo exerzito bizantín en a primera cruzata talment inspiroron o costumbre d'os [[estatos cruzatos]] de contratar tropas ausiliars de caballería lichera indichena. |
As tropas cruzatas topetoron por primera begata con os turcoples en a Primera Cruzata. A uest turcople formaba parte d'o exerzito bizantín en condizión de tropas ausiliars. A mayoría d'os turcoples yeran fillos de pai turco e mai griega e nominalment cristians. As unidaz turcoples acompañaban a lo exerzito bizantín en a primera cruzata talment inspiroron o costumbre d'os [[estatos cruzatos]] de contratar tropas ausiliars de caballería lichera indichena. |
||
Linia 25: | Linia 25: | ||
[[en:Turcopole]] |
[[en:Turcopole]] |
||
[[fr:Turcopole]] |
[[fr:Turcopole]] |
||
⚫ | |||
[[he:טורקופול]] |
[[he:טורקופול]] |
||
⚫ | |||
[[pl:Turkopole]] |
[[pl:Turkopole]] |
Versión d'o 20:22 28 feb 2010
Plantilla:Grafía 87 Un Turcople (d'o griego bizantín τουρκoπουλος, "fillo de turco", yera un merzenario por un regular d'orichen turco e a sobén de pai turco e mai griega. Os turcoples formaban un cuerpo de caballería lichera e bi eba muitos turcoples a lo serbizio d'as ordens melitars establitas en Chipre, Cherusalén e Rodas mientres as Cruzatas (sieglos XI e XIII). Bels turcoples s'adibioron a las tropas almogabars.
As tropas cruzatas topetoron por primera begata con os turcoples en a Primera Cruzata. A uest turcople formaba parte d'o exerzito bizantín en condizión de tropas ausiliars. A mayoría d'os turcoples yeran fillos de pai turco e mai griega e nominalment cristians. As unidaz turcoples acompañaban a lo exerzito bizantín en a primera cruzata talment inspiroron o costumbre d'os estatos cruzatos de contratar tropas ausiliars de caballería lichera indichena.
En os estatos cruzatos as tropas turcoples no yeran nezesariament de turcos u mestizos, a mayoría probeniban d'o reclutamiento de turcos selchuzidas cristianizatos e d'abitants de Siria.
En Tierra Santa as tropas turcoples serbiban como caballería lichera fendo funzions d'esploradors, fustigadors, arquers u a caballo y bella begata como segunda linia de carga dezaga a caballería pesata. As tropas teneban un equipamiento d'armaduras licheras (por un regular un peto con guata e un casco conico de fierro) e iban armatas con lanzas e arcos, as monturas yeran més licheras e rapidas que as d'os caballers d'as tropas ozidentals.[1]
En as ordens melitars as tropas turcoples yeran baxo o mando d'un "turcoplero", que yera designtato por as suyas tropas. Encara que cuan no yeran en batalla as tropas yeran sozmesas a restrizions como no minchar en a mesma mesa que atros soldatos, o turcopler teneba un rango en o comandamiento templero superior a los sarchentos d'a orden. O turcopler reportaba dreitament a lo Gran Mayestre u a lo Mariscal mientres a batalla, y en batalla comandaba las tropas turcoples e a los fraires sarchentos.[2]
Os Mamelucos consideraban a los turcoples como traidors e apostatas e los mataban cuan los ensopinaban. En 1291 con a Caita de Sant Chuan d'Acre, o zaguer bastión d'os Cruzatos en Tierra Santa, os turcoples superbibients s'establioron en Chipre con a Orden d'o Temple y en Rodas e Malta chunto con a Orden d'o Espital. A Orden Teutonica posó de nombre Turkopolen a la suya propia caballería lichera por o prestichio que teneban estas tropas.
O exerzito bizantín siguió contando con o serbizio d'os turcoples como tropas ausiliars, e cuan os almogabars luitoron como merzenarios pa os bizantins tenioron contacto con os turcoples, adibindo-se-ne en a Compañía d'Orient uns 1.000. Sin d'embargo os turcoples partiziporon en l'asesinato de Roger de Flor e la mortalera d'almogabars o 4 d'abril de 1305 en Adrianopolis, e tamién partiziporon en a represión bizantina cuentra os almogabars. Con tot y con ixo en 1306 bellas unidaz turcoples s'adibioron a los almogabars cuan resistiban os ataques los bizantins e se bengaban e siguioron a la compañía en a suya migrazión t'Atenas. Cuan os almogabars s'establioron en o ducato d'Atenas os turcoples los abandonoron y entroron a lo serbizio d'o prenzipe de Serbia capitaneyatos por Meleco.