Accipiter gentilis

Siñal d'atenzión

Este articlo ye escrito con un estilo, grafía, u solucions idiomaticas (no dialectals) que no se fan guaire con o contenito cheneral de Biquipedia, y per ixo un usuario capable el ye adotato esprés ta adobar-le ixas formas y reformular-lo, y la fayena de revisión se troba encara en proceso. Ye posible que, per ixo, bi haiga lagunas de contenito u deficiencias de formato. Per favor, d'antes que no te metas á fer-ie correccions mayors u reescrituras, contacta con ell en a suya pachina d'usuario u la pachina de descusión de l'articlo ta poder-ne coordinar a redacción. Per ixe motivo, tampoco no ye guaire recomendable que, en estando l'articlo en fase de reforma, en prengas garra espresión u solución lexica ta enriquir o tuyo vocabulario personal, u que las reproduzcas en altras pachinas de Biquipedia.

Astor
Parella d'astors uAccipiter gentilis, choben e adulto
Estato de conservación
Seguro.
Clasificación scientifica
Dominio: Eukaryota Reino: Animalia Filo: Chordata Clase: Aves Orden: Accipitriformes Familia: Accipitridae Chenero: ''Accipiter'' Especie: ''A. gentilis''
Nomenclatura binominal
Accipiter gentilis
Linnaeus, 1758

l'Astor u azor (Accipiter gentilis (L., 1758)), ocasionalment clamato esparbero gran, ye un abe rapiñadora de mida meyana d'a familia d'as aczipitridas, que chunto con l'esparberet forma ro chenero Accipiter. Ni l'uno ni l'altro son d'ixa traza parients direutos de l'esparbero, més d'estar d'a mesma familia cladistica, u no bi son més amanatos que ne son entre ers. O feito que tanto l'esparberet como l'esparbero gran tiengan ixes nombres no ye si que per a tradizión popular á on que els-se trafulca.

Astor chobenón, con a color encara terrosa.

O plomache d'ista espezie ye carauteristicament griso per alto en es adultos, con a tripa e partis més baixas d'o cuerpo de color blanca plena de rayetas horizontals de color negra. En es ixemplars inmaduros, ixas mesmas rayetas son més discontinuas, estando marrons foscas e ebentualment presentando-se como á maclas marronetas e més á sobent berticals, con o fondo de tot o baixo de l'animal marrón claret per cuentas de blanco. Asinas, es astors chobens son simplers de distinguir d'es adultos. Toz es ixemplars tienen una francha clara per alto d'es güellos que, chunto con es iris naranchas u royencos els fan simples de destinchir d'es suyos parients lueners es falcons.

Como es esparberez, es astors son cazadors aintro d'as selbas, e tienen alas més curtas e arrondoladas que no altras rapiñadoras, que lis-ne permiten de maniobrar con trazas millors que no altras abes. Es astors son, d'ixa traza, es més axils maniobradors boscanos en bolar, cosa que fa-los temibles predadors de chicoz animals aintro d'as redoladas boscosas. As suyas presas predileutas son es muixons.

Imachen:Goshawkfly.jpg

Astor en buelo per entre d'a bechetazión.

Se'l puet trobar en tota Europa espezialment aintro d'as redoladas boscosas. En a Peninsula Iberica ye una espezie espezialment abundant en o norte, á on que rarament puet trobar-se-la-ie fuera d'as selbas. Unicament manca d'as Balears.

Enrastres externos

• Wikispecies tiene un articlo sobre Accipiter gentilis.
• Se veigan as imáchens de Commons sobre l'astor.
• (en) Bideos d'astors en o portal Internet Bird Collection