María Moliner

María Juana Moliner Ruiz (Paniza, Campo de Cariñena, Zaragoza, 30 de marzo de 1900 – Madrid, 22 de chinero de 1981) estió una biblioteconoma e lesicografa aragonesa.

Se licenzió en 1921 en Istoria (Facultat de Filosofía y Letras d'a Unibersidat de Zaragoza). Á l'año siguient, s'incorporó en o Cuerpo Facultativo de Archiveros, Bibliotecarios y Arqueólogos de Simancas, de astí pasó á l'Archivo de la Delegación de Hacienda en Murcia. Colaboró con a Escuela Cossío, con o Instituto Escuela e con as Misiones Pedagógicas en a Segunda Republica Española.

María Moliner ye l'autora d'o Diccionario de uso del español, considerato obra de referenzia ta ra lesicografía española. Prenzipió á treballar en o suyo dizionario en 1952 e a primera edizión estió publicata en 1966-67 por a editorial Gredos. Seguntes uno d'os suyos fillos, Fernando Ramón Moliner, a segunda edizión, con totas as alterazions e modificazions feitas, ye una edizión apocrifa, cuan María Moliner teneba Alzheimer, e no podeba dar un consentimient coszient á la publicazión d'ista nueba edizión.

Enrastres esternos

• (es) Pachina web de María Moliner.
• (es) María Moliner, en el centenario de su nacimiento.