Diferencia entre revisiones de «Puent de Piedra de Zaragoza»
+ a mesma imachen |
m Bot: Adding {{Grafía_87}} |
||
Linia 1: | Linia 1: | ||
{{Grafía_87}} |
|||
''Iste articlo ye sobre o Puent de Piedra de Zaragoza. Ta atros usos se beiga [[Puente de Piedra]]'' |
''Iste articlo ye sobre o Puent de Piedra de Zaragoza. Ta atros usos se beiga [[Puente de Piedra]]'' |
||
[[Imachen:Zaragoza - Puente de Piedra.JPG|thumb|280px|Puente de Piedra de Zaragoza.]] |
[[Imachen:Zaragoza - Puente de Piedra.JPG|thumb|280px|Puente de Piedra de Zaragoza.]] |
Versión d'o 19:21 23 feb 2010
Plantilla:Grafía 87 Iste articlo ye sobre o Puent de Piedra de Zaragoza. Ta atros usos se beiga Puente de Piedra
O Puent de Piedra e Pretil de San Lázaro se localizan en Zaragoza (Aragón). Dende o sieglo XII se miró de construyir un puent que garantizara o paso de l'Ebro de forma permanent. En 1401 se prenzipioron as obras d'o puent que conoxemos en l'autualidat, dirichitas por Gil de Menestral, estando rematato en 1440.
Una riada en l'año 1643 destruyó dos d'as arcatas zentrals d'o puent, feito que se decumenta en a Vista de Zaragoza pintata en 1647 por Martínez del Mazo. Yera o trampo á on que se debantoron dos torreziellas d'orichen meyebal. O puent fue apañato en 1659, encluyendo as dos torres, por Felipe de Busignac, mayestro d'obras de Zaragoza, que modificó tamién os tallamars e espolons d'o puente, enamplando-los.
En 1789 l'arquiteuto Agustín Sanz reyalizaba o pretil de l'Ebro que iba dende o Puent de Piedra dica o Combento de San Lázaro. Ista muralla se construyó en seis meses rematando-se as obras o 24 d'abiento de 1789, t'aprebenir o riesgo de inundazions en a ziudat por as posibles crexitas d'o río.
O Puent de Piedra e o suyo pretil, son un elemento clau en a composizión urbana d'a ziudat, de gran importanzia formal e funzional, estruturador d'o conchunto e d'o paisache natural e edificato.
Ista importanzia no estió unicament en l'ambito d'Aragón sino que estió important tamién á nibel estatal, ya que istoricament, dende meyatos d'o sieglo XV, o puente garantizaba as comunicazions d'o cuadrant noreste peninsular.
D'o pretil d'a marguin dreita, se sape que en 1777 os arquiteutos Pedro del Mazo e Juan Ortiz de Lastra prenzipian a suya construzión. Lo fan con piedra sillar. Ocupa o espazio entre o Templo d'o Pilar e o Puent de Piedra cuala zaguera arcata ya se trobaba cubierta tal e como contrimuestra o plan de 1778. Más de meyo sieglo dimpués, José de Yarza, por reyal decreto de 1845, debanta la topografía d'o seutor, en a que se beye que o pretil contina estando lo mesmo. Manimenos, güé en día, se desconoxe o suyo estato autual, a suya conserbazión e a suya ubicazión esauta.
A piedra emplegata ta construyir iste puent probeniba d'a cantera que teneba o Papa en o monezipio de Frescano, situata ista en o mont de Burrén. O puent contiene piedra de Frescano e Grisén.
Referenzias
- 28 de junio de 2002
- GUITART APARICIO, Cristóbal, «El Puente de Piedra», en Guillermo Fatás Cabeza, (coord.) Guía histórico-artística de Zaragoza, Zaragoza, Ayuntamiento (Servicio de acción cultural), 1991, págs. 197-200. ISBN 84-86807-76-X.
Enlaces externos
- Se veigan as imáchens de Commons sobre o Puent de Piedra de Zaragoza.