Pozo de Sant Lazaro

Puent de Piedra

Balcón de San Lázaro

O pozo de San Lázaro ye una simera que se troba en o río Ebro entre as dos arcatas más septentrionals d'o "puent de Piedra" de Zaragoza. Como una dolina, s'ha formato por carstificazión d'os chesos que bi ha dichós os alubions de l'Ebro. A creyenzia popular diz que no tien de fundo e que se traga tot o que i caye. Atros dizen que plega dica Tortosa e que a suya salita ye a mar.

O suyo nombre o prene d'o combento de San Lázaro, establito en 1224 por a orden de Nuestra Siñora de La Merzé, que se trobaba chunto á l'Ebro á man d'o puent de Piedra, en o Rabal.

O pozo ye o puesto que ha esleito muita chent ta rematar con a suya bida, esistindo tamién una leyenda que nos rezenta como dos enamoratos, abendo-se oposato los suyos pais á lo suyo matrimonio, se ligoron o cuello l'un á l'atro con un cachirulo e se capuzoron chuntos en o pozo. Os suyos calábers nunca no se troboron.

En abiento de l'año 1971 un autobus cayó á l'Ebro en ixe punto. L'autobus desaparexió baxo as auguas con nueu personas que no se troboron. Dica 10 años dimpués no lo quitoron de l'Ebro os bombers de Zaragoza.

Enrastres esternos

• Autobus en o pozo de San Lázaro
• (es) Zaragoza, el Ebro
• (es) Leyendas del Ebro
• (es) Los restos arqueológicos del antiguo Convento de San Lázaro se integrarán en el proyecto de la ribera del Ebro. El Pediodico de Aragón 12/06/2007.