Lactarius deliciosus

Siñal d'atenzión

Este articlo ye escrito con un estilo, grafía, u solucions idiomaticas (no dialectals) que no se fan guaire con o contenito cheneral de Biquipedia, y per ixo un usuario capable el ye adotato esprés ta adobar-le ixas formas y reformular-lo, y la fayena de revisión se troba encara en proceso. Ye posible que, per ixo, bi haiga lagunas de contenito u deficiencias de formato. Per favor, d'antes que no te metas á fer-ie correccions mayors u reescrituras, contacta con ell en a suya pachina d'usuario u la pachina de descusión de l'articlo ta poder-ne coordinar a redacción. Per ixe motivo, tampoco no ye guaire recomendable que, en estando l'articlo en fase de reforma, en prengas garra espresión u solución lexica ta enriquir o tuyo vocabulario personal, u que las reproduzcas en altras pachinas de Biquipedia.

Lactarius deliciosus
Potrecón de L. deliciosus.
Estato de conservación
Seguro.
Clasificación scientifica
Dominio: Eukaryota Reino: Fungus Filo: Basidiomycota Clase: Homobasidiomycetes Subclase: Homobasidiomycetidae Orden: Russulales Familia: Russulaceae Chenero: ''Lactarius'' Especie: ''L. deliciosus''
Nomenclatura binominal
Lactarius deliciosus
L.

O robellón u rebollón (Lactarius deliciosus (L.)) ye un potrecón comestible que amanix en as selbas de pins. Ye una d'as espezies de potrecons més comunas en Aragón.

Carauteristicas

O suyo piet ye buedo e curto, de color naranchenca con plaquetas d'a mesma tonalidat, encara que con més gran intensidat. O chambrero ye gran, d'entre 4 e 16 cm d'amplaria, con una color naranchenca que amuestra un carauteristico debuxo d'aniellos conzentricos de color més royenca. Cuan o potrecón ye choben, creixe con as ripas rodoladas e en fer-se més biello s'aplana e prene una forma més d'embuto per o zentro. As mimbranas de baixo son d'a mesma color que ro chambrero, e amanixen á sobent pretas, finetas e prou numbrosas.

A suya carne ye densa e firme compautada, con una carauteristica olor suabe e dulza. En curtiar-ne ra superfizie, libra latex de color narancha. A oxidazión d'es organos suyos comporta que ro fongo adote una color més berdosa, d'una manera que es trumfers conoixen prou bien.

A color d'o potrecón bibo ye de seguros l'orichen d'o suyo nombre popular, pues fa pensar d'o robín d'o fierro.

Gastronomía

O potrecón gosa á cozinar-se á ro forno u frito, constituyindo d'ixa traza un exzelent complemento ta es platos de carne.

Enrastres externos

• Se veigan as imáchens de Commons sobre robellons.