Matrimonio

Retrato d'o matrimonio Arnolfini, por Jan van Eyck.

O matrimonio ye una relazión entre dos u más presonas con un reconoximiento sozial, cultural u churidico. Tien por ochetibo proporzionar un marco de protezión mútua u de protezión d'a deszendenzia.

Puet estar motibato por intreses presonals, economicos, sentimentals, de protezión d'a familia u como meyo ta otener bellas abentallas sozials. O matrimonio puet estar zebil u relichioso e pendendo d'a relichión u de l'ordenamiento churidico os dreitos, debers e requisitos d'o matrimonio son distintos.

Cabos d'año en a cultura popular

A cultura ozidental zelebra os cabos d'año de casamiento e los asozia á un elemento material. Los más comuns son los siguients:

• 1^er cabo d'año: papel u cotón
• 5^eno: fusta
• 10^eno: estaño
• 12^eno: seda
• 15^eno: bidre
• 22^eno: bronze
• 25^eno: archent
• 30^eno: perla
• 50^eno: oro
• 60^eno: diamant
• 70^eno: platín