Caixubos

Os caxubos abitan l'este de Pomerania e zona d'o corredor de Danzig e son en camín d'asimilazión a los polacos. Charran una luenga eslaba ozidental d'una branca diferent, o caxubo a lo polaco e son cristians catolicos.

A prenzipal ziudat d'os caxubos ye Wejherowo (Wejrowo). Entre as ziudaz grants de Polonia Gdynia (Gdiniô) ye a que tién o porzentache més alto de caxubos.

Modo de bida tradizional

Os caxubos yeran tradizionalment agricultors e tamién bi n'eba que se dedicaban a la pesca. Güei os caxubos gosan dedicar-sen a l'agricultura e o sector serbizios como por exemplo l'agroturismo.

Istoria

Han tenito una larga istoria como pueblo baxo dominio alemán, minorizato en a espansión enta l'este, pero que no se chermanizó como os atros bendos. Os polacos consideran a los caxubos como parte d'o pueblo polaco. Pa o estato polaco a presenzia d'os caxubos eslabos, consideratos como polacos, estió una ferramienta politica pa chustificar a inclusión d'o corredor de Danzig en Polonia, considerando que ya i eba una poblazión polaca antiga.

Caxubos famosos

• Günter Grass, escritor en luenga alemaña, qui en beluns d'os suyos libros, como O tambor de lata (Die Blechtrommel) (1959), almite a suya identidat Caxuba.
• Gerard Labuda, istoriador
• Aleksander Majkowski, escritor
• Danuta Stenka, actriz
• Donald Tusk, politico, líder de Platforma Obywatelska