Motor de combustión interna

Motor antigo, d'abiazión, con disposizión radial d'os pistons.

Un motor de combustión interna ye un tipo de maquina que otiene enerchía mecanica dreitament d'a enerchía quimica produzita por un combustible que se crema aintro d'una cambra de combustión, a parti prenzipal d'un motor. Se emplegan motors de combustión interna de cuatre tipos:

• O motor ziclico Otto, cualo nombre probiene d'o tecnico alemán que lo imbentó, Nikolaus August Otto, ye o motor combenzional de gasolina que s'emplega en automozión e aeronautica.
• O motor diésel, dito asinas en onor d'o incheniero alemán naxito de Franzia Rudolf Diesel, funziona con un prenzipio diferent e gosa consumir gasólio. S'emplega en instalazions cheneradoras de enerchía eletrica, en sistemas de propulsión nabal, en camions, autobuses e automobils. Tanto os motors Otto como los diésel se fabrican en modelos de dos e cuatre tiempos.
• O motor rotatorio.
• A turbina de combustión.