Setio

Chuana d'Arco en o setio d'Orleans, pintata por Jules Eugène Lenepveu.

Un setio u sieche ye un bloqueyo melitar prolongato en una fortaleza, por un regular pa asaltar-la dimpués, con l'obchetivo de conquerir-la por a fuerza u por o desgaste. Se produce cuan un atacant se troba con una ciudat u fortaleza que refusa a rendición y no puet ser presa facilment con un asalto frontal. Por un regular lo que se fa ye rodeyar l'obchetibo e bloqueyar as linias d'abastimiento, por un regular aduyato con maquinaria de setio, bombardeyo d'artillería y costrucción de caños sotorraños pa reducir as fortificacions.

Os setios amanixen en a istoria chunto con o desembolique d'as ciudaz á grans centros de poblacion. As ziudaz antigas d'Orient Meyo, por exemplo ya amuestran restos arqueolochicos de murallas fortificatas. Mientres o Renaximiento y Edat Moderna os setios dominoron a forma de guerra en Europa, y o mesmo Leonardo da Vinci se fació celebre por o diseño de fortificacions en o suyo estudeyo.

As campañas medievals se diseñaban con una sucesión de setios. Setios celebres han estato o Setio de Numancia, o Setio d'Albarracín, os Setios de Zaragoza, o Setio de Stalingrado y o Setio de Sarajevo. Plantilla:Destacato