Diferencia entre revisiones de «Regano»

De Biquipedia
Contenido eliminado Contenido añadido
Thijs!bot (descutir | contrebucions)
m robot Añadido: bs:Navodnjavanje
D'ohBot (descutir | contrebucions)
m robot Añadido: sl:Namakanje
Linia 76: Linia 76:
[[simple:Irrigation]]
[[simple:Irrigation]]
[[sk:Zavlažovanie]]
[[sk:Zavlažovanie]]
[[sl:Namakanje]]
[[sr:Наводњавање]]
[[sr:Наводњавање]]
[[sv:Konstbevattning]]
[[sv:Konstbevattning]]

Versión d'o 16:40 18 chi 2010

Regando un cautibo

O regano u regadío ye l'aportazión d'augua á la tierra ta faborexer l'optimo desarrollo d'as plantas que se i cautiban. Ista aportazión será suplementaria á l'augua d'a plebia e o metodo d'aplicazión puet estar superfizial (tamién dito por grabedat) u presurizato. En a mayoría d'os casos se nezesitan bels canals de riego que tresporten l'augua.

En o regano superfizial u por grabedat l'augua se muebe por esferenzia de cota (efeuto d'a fuerza d'a grabedat) e por ista razón no amenista d'enerchía esterna. Son exemplos d'iste tipo de riego o riego por inundazión en eras, sulcos, etz.

O riego presurizato requiere l'aportazión d'enerchía ta o suyo funzionamiento, ya sía por meyo de grups de bombeyo u con a presión proporzionata por basas u depositos elebatos. Son exemplos d'iste tipo de riego l'aspersión, a microaspersión u o goteyo.

Sulcos

Metodos de regano

O sistema de riego por sulcos ye un sistema de riego por grabetat con una muit baxa efizienzia. Ye a forma más antiga que encara se contina emplegando autualment. No amenista de meyos tecnolochicos complexos, pero sí d'una gran cantidat d'augua.

L'augua, prozedent d'un río u fuent, u quitata d'un pozo, por meyo d'una noria u atros sistemas, se fa correr por aintro de sulcos feitos en a tierra con iste ochetibo. Ixo obliga á sembrar en o cobalto d'as crestas que bi ha entre sulco e sulco. Cuan l'augua se fa correr por tot o terreno se diz riego por inundazión.

Aspersión

L'aspersión ye un sistema de riego presurizato. Basicament se trata de fer pleber de forma artifizial.

Ta regar por meyo d'o sistema d'aspersión, s'ha de tener una instalazión (fixa u móbil) de cañerías que conduzen l'augua dica os aspersors, dispositibo que s'encarga de distribuyir l'augua sobre os cautibos en forma de plebia. S'amenista de muita enerchía, por lo que s'ha de disponer de grupos de bombeyo u de presión á lo rete proporzionata por basas u depositos elebatos.

Os problema prenzipals son que a suya instalazión ye costosa e que tien un gasto contino d'enerchía, pero d'atra banda premite cautibar sin de fer sulcos fundos e por tanto no cal sembrar en as crestas d'istos, lo que fa más fazil a mecanizazión d'o cautibo.

En casos de muito fredo, o sistema d'aspersión se puet emplegar ta combatir as chelatas. En bels casos tamién premiten l'aplicazión de produtos agroquimicos.

Goteyo

Superfizie de regano por países

O goteyo ye un sistema de riego presurizato con muit alta efizienzia de l'augua. Ye un sistema diseñato ta aprofeitar á lo masimo o gasto d'enerchía e augua.

L'aportazión d'augua á lo terreno se fa en a zona radicular d'as plantas. Ista aportazión s'efeutua por meyo d'un sistema de chicotas cañerías de muit baxo diametro as cualas tienen chicoz foratos d'os que sale o liquido gota á gota u con muit baxo cabal. Optimiza o consumo d'augua, e se puet emplegar ta encorporar fertilizants u atros agroquimicos á lo cautibo.

Fertirrigazión

Ye una modalidat d'as dos anteriors, en que t'aumentar a produzión á la bez que s'optimizan os recursos, s'encorporan fertilizants á l'augua de riego. Se puet emplegar con l'aspersión u con o goteyo, anque ye más efeutibo con iste zaguero.

Idroponia

Autualment a idroponia ye a forma más abanzata de riego e de produzión agricola. Ye una bariant d'o goteyo, á la que s'encorporan toz os nutrients que ha menester a planta por meyo d'o sistema de riego.

Requiere d'una imbersión important, pero as produzions tamién aumentan ascape. As instalazions de riego se complementan con una serie d'estrumentos de control, como sondas, sensors, controls d'umedat e temperatura, que gosan zentralizar-se en un ordinador con os suyos programas de chestión. Tot isto controla un sistema preparato ta encorporar os fertilizants á l'augua de traza automatica. Se prenzipió á emplegar en floricultura, pero güé en día ye abitual en muitos de produtos orticolas.