Ciencias socials

As zenzias sozials son as zenzias u desziplinas zientificas que s'ocupan d'aspeutos umanos d'o mundo, no estudeaus en as zenzias naturals. S'adedican á l'estudeo d'as manifestazions naturals y inmaterials d'as soziedaz. S'esferenzian d'as umanidaz en que s'emplega o metodo zientifico y atras metodolochías rigurosas d'analís. Drento d'a clasificazión d'as zenzias entre as zenzias d'a naturaleza y as zenzias d'o esprito, as zenzias sozials bi son dentro d'as zagueras. A mayor parti d'as zenzias sozials no se miran de descrubrir lais d'alcanze unibersal, sino entrepretar o sentiu de l'azión umana. Isto se fa prenzipalmén por meyo d'a comprensión d'as intenzions suchetibas d'as presonas.

O prenzipal grupo de zenzias sozials encluye

• Antropolochía
• Etnolochía
• Arqueolochía
• Psicolochía
• Soziolochía
• Politica
• Economía
• Urbanismo

Á las que s'adiben:

• Zenzias d'a Comunicazión
• Zenzias d'a Informazión
• Psicolochía sozial
• Cheografía umana
• Demografía
• Treballo Sozial
• Ecolochía umana
• Estatistica

Atras desziplinas, consideradas por beluns como parti d'as umanidaz, son:

• Istoria
• Istoria sozial
• Lingüistica
• Semiotica
• Semiolochía

Muitas d'as desziplinas d'iste grupo han teniu discusions epistemolochicas respeuto a qué ye una zenzia, y si pueden ser consideradas como tals. En primeras, se prenió como modelo d'una zenzia sozial á la fesica y atras zenzias naturals. Sin dembargo con o tiempo s'ha identificau a particularidá de l'ocheto d'estudeo que ye a soziedá, que no se troba aintro d'os metodos y supuestos que estudean as zenzias naturals.