Tierra d'Ostavals

Plantilla:Infotabla comarca La Tierra d'Ostabals (Oztibarre en basco; Ostabares en castellán; Ostabarret en franzés) ye una comarca de lo este de la Baxa Nabarra (Franzia) con capital en Ostabals. En fan parte 9 monezipios.

Cheografía

Ye situata en la cuenca alta de lo río Bidouze, á lo sur de lo monezipio u comuna d'Uhart-Mixa. Muga á lo sur e surueste con Garazi, á l'este con Sola, á lo norte con la Tierra de Mixa e á lo norueste con Arberoa.

Comprene los monezipios d'Arhansus, Bunus, Hosta, Ibarrolle, Juxue, Larceveau-Arros-Cibits, Ostabals-Asme, Pagolle e Saint-Just-Ibarre.

Istoria

Pertenexió á Gastón IV de Biarn, que lo recuperó pa Biarn por muito tiempo dimpués d'una guerra. Don P. Arnalt de Luxa, siñor feudal local, se declaró basallo de Sancho Lo Fuerte rei de Nabarra en 1228.

Nombre

Lo suyo nombre (H)oztibarre bien de Hozta Ibarre (u Ibar), sennificando Bal d'Hosta, que ipoteticament en gascón sería Ostavath lo lugar e Ostabarret la comarca (la -LL- latina eboluziona ta -th final u -r- interbocalica sola, seguntes la fonetica gascona). La forma Ostabarret con -rr- interbocalica doble sería una gasconizazión de lo basco Oztibarre.

En 1247 ya esisten las denominazions de Tierra de Mixa y Tierra d'Ostabals:

• a vos serviria con el castiello de Villanova e con toda la Tierra de Mixa é Dostabales

Asinas lo fillo de lo bizconte de Tartax (bizconte que eba demandato protezión á Sancho lo Fuerte en 1196) reconoxeba basallache á Tibalt I de Nabarra por aber rezibito d'él Billanueba con tota la Tierra de Mixa e d'Ostabals.