Wikipedia:Tabierna/Propuestas

Tabierna: Proposas
Taza Ta responder en un tema ya ubierto, emplega o enlace [editar] que se troba chunto a lo títol d'o tema. Si quiers, puez prencipiar un nuevo tema, u cosirar ista pachina ta veyer os suyos cambeos. As descusions antigas se troban en l'archivo d'a Tabierna Antis de deixar o tuyo mensache, para cuenta si iste ye o puesto adecuato. Gracias.

Cambeyos en a tabierna

Con o creximiento d'a Biquipedia creigo que cal fer bels cambeyos d'organizazión en a tabierna e pachinas de descusión ta mirar d'organizar una mica a cantidat d'informazión...Quereba proposar dos nuebas politicas e quiero que opinez toz antis de fer-las ofizials.

• A primera ye trestallar una mica la Tabierna como ya se fa en atras Wikis más grans...asinas podemos fer por exemplo diferents trestallos ta charrar de "politicas", "aduya", "propuestas", "notizias"... como se fa en o Café d'a Wiki en castellán... d'ista traza se relazionan más os mensaches con os temas, no crexe tanto a tabierna e ye tot más organizato.
• A segunta proposta, ya fa tiempo que la lebaba pensando, ye fer l'aragonés "unica luenga ofizial de Biquipedia"... e direz que fateza! si ya'n ye!... yo creigo que no... con o creximiento d'os articlos (que son toz en aragonés) son crexendo tamién as pachinas de descusión, pero en ista pachinas muitas begatas charramos en castellán porque parixe que no ye parti de l'articlo, no cal charrar en aragonés... en reyalidat yo creigo que istas pachinas fan tanta parti de l'articlo como lo propio articlo e por tanto a luenga a emplegar abrerba d'estar tamién l'aragonés (con chicotas eszeuzions de por exemplo chent d'atras wikis que no charre aragonés)... O mesmo pasa con a Tabierna, u atras. Istas pachinas quedan en a base de datos d'a Biquipedia en aragonés, pero son escritas en atra luenga, manimenos si femos una gambada por as atras wikipedias con luengas minoritarias d'o estato beyeremos que en istas pachinas nomás fan serbir a suya luenga e muit poquetas begatas o castellán. Asinas que yo proposo que nomás se pueda fer serbir en as pachinas de descusión e Tabierna l'aragonés como unica luenga ofizial... ta o emplego d'atras luengas foranas se dixa como fan en atras wikis a Wikipedia:Embaxata, metendo un mensache en a capezera d'a Tabierna dezindo que "si no charras aragonés por fabor dixa o tuyo mensache en a Embaxata e bel embaxador que charre a tuya luenga te respondera" por exemplo... si bel usuario d'atra wiki escribe un mensache en a Tabierna en atra luenga se tresladará á la embaxata (isto se fa en atras wikis)... Qué tos ne parixe? Estoi que ye una mida important espezialment en o caso d'una luenga como a nuestra tan menazata,... cal fer-la serbir...e cal fer un poder (sí ye más fazil ta nusatros charrar en castellán, prou que sí) ta contrimostrar que á más de luenga ta escribir politos articlos tamién sirbe ta comunicar-se --Willtron (?) 11:46 20 chun 2009 (UTC)

Yo i soi totalmente d'alcuerdo. Puet estar que á més d'uno le cueste perque está claro que l'aragonés no ye la luenga d'uso de toz nusaltros, ixo está claro jeje, pero tamién s'ha de mirar por a imachen que femos. Tos meteré l'ejemplo de cuan m'entrevisté con Gilberto Gil, que per fallo d'o portatil aquél (de mier...) qu'abiemos d'emplegar-ie, se quedó colgato en una pachina de descusión u talmente la tabierna (ara no tos pensez que m'acuerdo) pero pasando que yera tot escrito en castellano en ixe segmento d'a pachina lo menos. Tamién ye una casualidat que pasase ansinas, pero l'ombre, pobret, tot improbisando me ba preguntar que qué i deziba e la camara fendo un primer plano d'a pantalla... U_U... Yo, nomás que ta que ixo no mos torne á pasar, ya i boto á fabor XDD. Per ixo pienso que abrinos de meter-nos cutios con ixo, anque cueste bel esfuerzo. Antimás, si tos el querez planteyar ansinas, tamién podría estar un ejercicio prou buen ta coger soltura con a luenga. Per fer un poder, con yo ya i podez contar. --Lascorz (Quiers cosa?) 16:08 20 chun 2009 (UTC)

Soi d'alcuerdo con as dos proposas. A wiki ya se ye fendo gran, y cal adaptar bellas cosas, ta o que podemos mirar en o que se fa en atras wikis de grandaria parellana. Igual tamién caldría deixar escritas bellas politicas u prozedimientos (no guaires, pero as impreszindibles ta una wiki chicota pero no pas tanto). Pienso que tampoco no cal perder guaire tiempo en isto, pero sí deixar por escrito o impreszindible. D'isto podez charrar en a biquitrobada (estoi que no podré ir-ie). Sobre o segundo punto, prou que emos de fer-lo. O de tresladar t'a Embaxada tot o que no siga en aragonés me pareix masiau furo, pero si que soi d'alcuerdo en que s'ha de pedir a os usuarios que saban escribir en aragonés (con un nibel azeutable), que lo faigan siempre (fueras de cuan se responde a una persona que tien problemas ta entender l'aragonés).--Juan Pablo 21:44 20 chun 2009 (UTC)

Yo tamién soi d'alcuerdo en as dos propuestas de Will, encara que cal matisar que no tanto em no dixar que escriban en a Tabierna os usuarios foranos que no empleguen pas l'aragonés, que dixaría fuera a muitos posibles usuarios que no el charran prou. Yo tentaré d'escrebir siempre en aragonés, encara que me cueste, que puedo escrebir millor en un articlo que en una pachina de descusión, por manca de lexico... A ideya de dibidir a Tabierna ye muit buena ideya, Will. --Manuel Trujillo Berges 16:59 21 chun 2009 (UTC)

La primera propuesta no me parece mal, pero la segunda sí. Yo prefiero utilizar el castellano o el catalán en las discusiones porque así escribo más rápido y no he de pararme a pensar si lo que escribo es correcto o no o si utilizar tal variante u otra. A diferencia de otras wikis la mayor parte de los usuarios no somos hablantes maternos y hay una enorme falta de información sobre cosas esenciales de uso de la lengua (no salen en la gramática de Francho y los diccionarios son parciales). Yo puedo estar encima de mis errores terminológicos en un artículo sobre los cosacos del Volga, el dialecto manchego o el mejillón cebra, pero no puedo estar encima de mis errores (o de los de otros en las discusiones). Otro detalle: nosotros recibimos intervenciones esporádicas en las discusiones de usuarios que no saben aragonés. Creo que es mejor que en las discusiones hable cada uno en la lengua que mejor le parezca (excepto Chabi). --EBRO 14:00 24 chun 2009 (UTC)

No son o mesmo as descusions d'as pachinas d'usuario (á on que se puet emplegar cualsiquier luenga) que as descusions d'os articlos (á on cal emplegar a mesma luenga que os articlos)... istas descusión son una mena de "anexo d'os articlos" fan parti d'os articlos e por ixo cal fer-las en a mesma luenga en que se fa la wikipedia... una persona que dentra en Biquipedia aspera leyer tot en aragonés! (prou que as pachinas d'usuario no son articlos enziclopedicos e nadie aspera leyer-las en uan luenga concreta)...pero bi ha una ripa de descusions en atras luengas foranas como lo castellán... e dentrando en a Biquipedia da la imachen de que no charramos en aragonés porque no sapemos (isto nomás pasa en ista wikipedia! e ta yo isto ye una mala imachen),... sí se pueden fer as descusions en aragonés e nomás cal fer una miqueta más d'esfuerzo que ta fer-las en castellán u en catalán! Ta esprisar as ideyas basicas que se meten en una descusión no cal ser natibo, con o nuestro nibel d'aragonés no bi ha garra problema en esprisarnos en aragonés, ...igual que tampoco tenerba problemas ta escribir ista mesma descusión en anglés por exemplo, no muitos más problemas que en castellán...prezisament ye más problema escribir un articlo, pero no pas una descusión. Yo creigo que á la fin ye un tema que no calerba ni planteyar-lo... a Biquipedia ye a enziclopedia libre en aragonés e por tanto tot ha d'estar escrito en aragonés (fueras d'as pachinas d'usuario, embaxata)... si dentra chent que no sape aragonés, yo ya lo dizié en atras wikis se escribe en a embaxata, pero yo por exemplo he dentrato en a Wiki catalana charrando en aragonés e no m'han dito cosa...asinas que se puet premitir, pero por un regular a chent que escribimos e charramos aragonés tenemos que charrar en aragonés! U nomás ye una luenga ta escribir os articlos? e no se puet fer serbir ta comunicar-se...allora ixo ya no ye una luenga biba! --Willtron (?) 14:15 24 chun 2009 (UTC)

A beyer, d'a primera proposa, de cambiar o "layout" d'a Tabierna, no cal charrar-ne guaire más... Podez copiar a estrutura de bella wiki d'a mesma grandaria. Ixo sí, no cal fer-ie masiaus trestallos, no cosa que dimpués se beigan muitos d'els buedos... Sobre o segundo, y dau o numero de parladors d'aragonés, ye platero que no emos d'estar tiercos, sino flexibles en l'aplicazión de politicas sobre a luenga d'emplego. Igual que cualsiquier editor ye biemplegau encara que o suyo nibel d'aragonés no siga guaire alto, y no le desichiríanos que escribise en aragonés en as descusions, tampoco podemos fer-lo una norma d'obligau complimiento. Manimenos, si que se puet fer una recomendazión a toz os usuarios ta que faigan serbir siempre l'aragonés en a resta de biquipedia, y más que más en as descusions d'os articlos. Si tos pareix, lo podemos deixar como recomendazión. Ixo sí, yo sí que recomiendo fer serbir siempre l'aragonés, por todas as razons que ha dito Willtron, y amás porque ye a traza de que se beiga atro rechistro d'aragonés más coloquial que no o rechistro enziclopedico, muito más tierco, y a traza d'aprender, tener dandalos comunicatibos fa amillorar o nibel de l'aragonés que s'emplega.--Juan Pablo 23:01 24 chun 2009 (UTC)

Ombre, ta's que colaboramos e ya mos coneixemos que toz el parlamos bien, pienso que poder-se esichir se puede. En ixo suposo que i seremos d'alcuerdo, no ta's nuebos usuarios perque ixo ya se sabe que no toz tienen un nibel d'aragonés prou alto, pero sí ta's que escrebimos articlos de fa ya años. No s'ha de pedir pas que faigamos un aragonés perfecto en as descusions perque, ixo sí que nos ye de quedar claro, no estarán testos de referenzia sobre correzión gramatical, sino simples e planas descusions sobre contenitos. Por lo tanto no mos ha de fer miedo escrebir-lo, perque estará más enriquidor que garra altra cosa, e pienso que nos nos habrenos de posar denguno á dezir-les á's altros que per qué dizen tal u cual cosa que ixo ye mal dito jeje. Tos quiero dezir tamién que sobre l'aragonés b'ha muita informazión baliosisma ya publicata que si tenez tiempo de buscar-la, libros en as bibliotecas be n'hai (lo menos en a deputazión de Barzelona, yo b'he puesto leyer unos tres u cuatre e estoi que ye de lo millor que he puesto fer t'amillorar a mía espresión). No tos parlo de nobelas ni de traduzions, que no me gusta mica ixe aragonés (pero que ni gota), tos parlo de libros "zentificos" como la colezión Ainas de Gara d'Edizions u os cuadernos Saroïhandy de Xordica. Que ixo ye una opzión personal, ya'l sé que ixo me l'obchetarez, tiempo e perras (si tos ne querez comprar), pero que yo nomás tos puedo dezir lo que yo soi feto. E claro está que tamién yo tiengo un prebilechio que ye que estando d'alto pos muitas d'ixas cosas ya las tenebe sentidas e igual que me pasó con a espresión aquella d'o correu de l'altro día, b'ha cosas que á yo no me cal si que redespertar-las (con alegría que me fa de retrobar-las) mientres que á muitos les caldría aprender-las de zero (básicamente, per ixo guardo a etiqueta de nibel natibo en a pachina d'usuario, no pas perque "natibo" seiga garra termino que me defina propiamente -como á dengún en a mía chenerazión-). Per tot ixo, yo pienso que escrebindo-lo, toz nusaltros n'aprenderemos cosas. E estando como ye que esta ye la wikipedia en aragonés, como deziba Will, sentido bien que el tiene una norma como ixa. Norma ta uns, recomendazión ta's altros. Ara, esto l'hemos de parlar bien parlato. --Lascorz (Quiers cosa?) 12:53 26 chun 2009 (UTC)

Soi d'alcuerdo con las dos propostas de Willtron. Ye necesário fer de l'aragonés l'unica luenga oficial i tecnica d'a Wikipédia. As presonas que no dominan bien l'aragonés cal que participen a la dinamica de reapropriacion lingüistica (ye preferible usar un aragonés con errors que un espanyol perfeuto). Os santuários per practicar las luengas minoritárias son mui importants en l'eficácia de recuperacion d'aquellas luengas. A Wikipédia aragonesa ye un tal santuário. --Nil Blau 21:51 1 chul 2009 (UTC)

Yo que no mas que sus miro de mes en mes, o veigo una gran descisión porque ye o prenzipio do piazo mas importán d'una luenga, l'uso cotidián d'ista por os suyos fablans. Asinas que sus animo en iste nuebo trango.!!!--Usuario:Barranqué 22:21 8 chul 2009 (UTC)

lezions basicas d'aragones

Ola a toz! Creigo que es una buena ideya una nueba sezion d'aragones ta estudiants. Creigo que se puede fer 5 lezions basicas d'aragones e muita chent aprendera un poquet ista luenga.

Puet serbir ta muita chent que dentra n'a ista pachina e conoxca cosas de nuestra luenga. A.M.

Creigo que a función de biquipedia ye que siga una obra de consulta e que o material d'estas consultas lo escriban os usuarios. Si bi ha bels usuarios que escriban sobre temas gramaticals e lesicos...enta debant, pero en semos pocos. Por l'inte qui quiera lizions d'aragonés en tien en charrando.com u en os libros de tota a bida.--EBRO 15:28 25 set 2009 (UTC)

Bloqueyo

Ya que á iste usuario li ha estato dito en muitas ocasions que no fese contribuzions escribindo en un defizient aragonés e contina contribuyindo sin fer garra caso á las recomendazions e lo que ye más important, fendo que a resta de usuarios aigan de perder o tiempo en fer correuzions. Ya que en o suyo istorial tien dos bloqueyos (abendo á más burlato los dos, uno con un puppet), por portar-se de traza intimidatoria con atros usuarios e por meter informazión con copyright e ya que li s'ha dato l'abiso en cuantas ocasions por meter spam. Se proposa: bloqueyar á iste usuario con una durada de "ta cutio" e desautibar a creyazión de nuebas cuentas.

Botazions

A fabor

1. Fa tiempo que se fa la mofla de nusatros e á más li bufa muito a pocha l'aragonés --Willtron (?) 17:42 6 otu 2009 (UTC)
2. Toz os usuarios li han dito de parar cuenta en as cosas que fa, y li han demanato á sobent de millorar o idioma y mesmo as trazas. En un procheuto con tan poquez colaboradors no se puet estar de contino rebisando articlos mal traduzitos, á más de tematicas que no son d'intrés prenzipal en ista biquipedia güé, y á más fendo de contino os mesmos errors. No quiere aprender, y ixo ye encara més greu. --Manuel Trujillo Berges 18:52 6 otu 2009 (UTC) Á más, menosprezia as contribuzions d'atros usuarios que fan articlos de monezipios, que mancan muitos encara per fer. --Manuel Trujillo Berges 18:55 6 otu 2009 (UTC)
3. CHV _{(O mío Buzón de Correus)} 19:10 6 otu 2009 (UTC)
4. --Lascorz (Quiers cosa?) 20:40 6 otu 2009 (UTC)
5. O suyo prozeder no fa guaire onra ni ta o prochecto ni ta l'aragonés, y más que más los perchudica. Encara sin chudgar si actúa de buena u mala fe (debant d'a duda, presumo buena fe), creigo que o bloqueyo ye chustificau ta que no faiga mala imachen de l'aragonés, una luenga que dize esfender (y no lo meto en duda), pero que no conoix como ta escribir en ista biquipedia (o normal sería que no calese bloqueyar-le y simplament no escribise en a biquipedia, d'a mesma traza que os atros no escribimos en biquipedias que no en conoixemos a luenga).Juan Pablo 20:59 6 otu 2009 (UTC)
6. --EBRO. Un usuario que esminglana as luengas minoritarias ba cuentra as luengas minoritarias e desinforma (como os que dizen aragonés a lo catalán ozidental e que no "defendeban" a luenga rechional no bi eba atra luenga ofizial que o castellán). Ye contradictorio colaborar con os blabers e con nusatros. Cualsiquier día mos dará problemas con esminglanar l'aragonés en belsetán, chistabín, cheso, ansotán, e lo que charraba a mia yaya sin dients superiors.

En contra

Niutral

Bueno, estoi que ya se puet o bloqueyo con un resultato de 6 botos á fabor e 0 botos en contra.

Sobre o emplego d'os casos en latín

Proposo que s'emplegue o caso acusatibo d'o latín, cuan se zite la orichen latina d'a palabra. Comentario espublicato por Usuario:El estremeñu 21:38 25 d'otubre de 2009

Á beyer...isto no ye una cosa que se pueda fer aqui por botazión, creigo yo, caldrá fer o mesmo que se faiga como combenzión en os articlos de lingüistica, ye como si proposamos meter os nombres d'as espezies zentificas en chinés...no, se fa lo que s'emplega internazionalment e prou...son cosas que no pertoca á nusatros dezidir... --Willtron (?) 22:07 25 otu 2009 (UTC)

Yo pienso que ixo ye innezesario, perque no totas as palabras deriban de l'acusatibo, e á demés esiste la combenzión de fer zita siempre con a forma nominatiba. --Lascorz (Quiers cosa?) 22:10 25 otu 2009 (UTC)

Sí, como diz Will, no sería cosa de fer-lo por botazión, sino de mirar de combenzer-nos de cual ye a traza de fer-lo. En ixe sentiu, el estremeñu, no ye cosa de que lo proposes ta botar-lo, que ye cosa de que lo chustifiques ta combenzer. A mía opinión ye: 1) En cheneral, si s'ha de nombrar una parola en latín, a forma de fer-lo ye en nominatibo (u en nominatibo + chenitibo), d'ixo no queda garra duda. Manimenos, 2) cuan s'amuestra a etimolochía d'una parola en aragonés, ta amostrar a suya eboluzión fonetica, se parte d'o caso latín (u d'o latín bulgar, en o suyo caso) d'o que s'orichinó a parola (muitas begadas ye l'acusatibo, u l'acusatibo sacando-ne a -M final porque en latín bulgar ya no se prenunziaba). Ye asinas como se fa en o nuestro articlo Fonetica_aragonesa, en do trobamos, por exemplo: FONTE > fuent (en atras publicazions lo he bisto asinas FONTE(M)>fuent) pero nunca FONS > fuent porque ixa eboluzión fonetica benió de l'acusatibo. En ixe mesmo articlo trobamos que ta nome/nombre, se da a etimolochía NOMEN > nomen > nomne (aquí se fa serbir o nominatibo porque d'astió benió a parola aragonesa). En toz ixos casos se gosan emplegar os simbolos ">" "<" ta endicar prozedenzia. En ixos casos concretos ye esclatero que no cal fer serbir o nominatibo, sino a forma latina que dio orichen a la forma aragonesa (a que siga en cada caso). En os casos que tenemos parola_en_aragones (d'o latín parola_en_latin), yo creigo que sí que cal fer serbir o nominatibo. En cualsiquier caso, miraré de preguntar ista semana a un filologo ispanico, ta que me diga si existe bella combenzión diferent en a romanistica. --Juan Pablo 23:36 25 otu 2009 (UTC)

Seria bueno que se pusiera, asi, ej: ziudat (d'o latin ciuitate (m)). El Mexicano nos podria ayudar, pero hace tiempo que no edita aqui. --Der Künstler 18:07 26 otu 2009 (UTC)

Administrador

Saludos colaboradores. Antes de todo, quería disculparme por hablar en castellano. Tengo una solicitud para el grupo de Administradores y en general, para toda la comunidad. Actualmente, soy reversor en 5 wikipedias de WIKIMEDIA project, y me gustaría ser administrador en esta enciclopédia. ¿Por qué? Tengo mucho tiempo libre para combatir vandalismos, spams y creaciones de páginas que no se adequan a las políticas actuales de la enciclopédia. Soy un experimentado patrullero y conozco los tiempos de bloqueo segun vandalismo, spam, insultos, y también como actuar ante guerras de ediciones o en la protección de artículos. Considero que los administradores de otras enciclopédias tienen una gran confianza en mi, de ahí que me otorgen flags como el de reversor, en la wiki en Sueco y Sloveno aunque no conozca la lengua. En este caso, la lengua me es familiar y quedría colaborar en el proyecto. Muchas gracias por la atención, y un saludo. Puede comprobar todo lo esmentado aquí. --Javierito92 21:54 1 nob 2009 (UTC)

Estimado Javierito92. Gracias por tu interés. Eres bienvenido a luchar contra el vandalismo, spam, etc, también en este wikipedia, para lo que no necesitas ningún permiso especial. La solicitud de administrador no precisa discusión alguna porque carece de sentido en un usuario que no pertenece a la comunidad de editores. La figura de rollback no la tenemos implementada en este proyecto. En cualquier caso, si fuese necesaria una reversión múltiple, puedes dar aviso a cualquiera de los administradores. Un saludo.--Juan Pablo 23:38 1 nob 2009 (UTC)

Soi d'alcuerdo de tot con el que diz Juan Pablo; no se son á menester os prebilechios d'almenistrazión ta colaborar només que ta ixa fayena. Ta desfer os bandalismos, treballo que siempre ye d'agradezer-se, con os prebilechios d'usuario rechistrato ya yers á tener-ne prou; ante parte que una proposa como ixa que febas no ye cosa que pareixca guaire sostenible en demanando d'un usuario que no ye puesto prener a esperienzia prezisa en o procheuto. Como beigo que te ye dito Bar en a wiki asturiana (en dó que tamién plegas de rechistrar-te), cal que conoixcas muit bien o funzionamiento de cadagun d'os procheutos d'antes que no i puedas colaborar como almenistrador. Tot ixo seguro que l'entenderás ;). --Lascorz (Quiers cosa?) 13:19 2 nob 2009 (UTC)

Articlos de Pueblos d'Europa

Os articlos de pueblos d'Europa dan muito chuego porque con ellos se puet charrar interdisziplinarment de muitos temas, (cheografía, luengas, antropolochía, economía, politica, istoria). Agora que he rematato de dar un poquet de forma a los articlos d'os prenzipals pueblos eslabos (unos millor e atros peyor) ye l'inte d'empezipiar por atra branca de pueblos d'Europa, por exemplo os pueblos de luenga romanze. Sería intresant de tener os articlos de totas as luengas latinas ya feitos pa fer chuego con os articlos d'os pueblos....¿ belún s'ofrix voluntario pa fer a introduzión e as plantillas d'estas luengas con a esperienzia d'aber-las feito en os articlos de luengas ya feitos ?. Di dengún no s'ofrix, ya los faré yo china-chana.--EBRO 08:06 16 nob 2009 (UTC)

Yo los foi si quiers... tenemos ista plantilla, si la completas con totas as luengas romanzes que cal fer (no sé si caldrá meter-ie u sacar beluna... :-S) yo las foi...e tamién si puez apaña iste articlo una mica ta que sía coderent con a plantilla... cal meter totas as luengas en a plantilla (nomás luengas) e en l'articlo si ye menester se puede meter bel dialeuto, pero en a plantilla millor no --Willtron (?) 08:12 16 nob 2009 (UTC)

Bloqueyo á l'usuario Better

Iste usuario, Usuario:Better (Descusión usuario:Better, contrebuzions), como se puet beyer en a pachina de descusión de l'articlo Descusión:Estremeño (lingüistica), fa de contino ataques presonals cuentra la mía presona dende fa 5 días, estando istos os suyos solos aportes á iste procheuto. Encara que se li ha feito a petizión de que retirase as suyas afirmazions, no nomás no las retira sino que contina dezindo que l'amenazo y que quiero que marche d'ista Biquipedia. Tal como dizié ayer, de continar o suyo comportamiento caldría demanar o suyo bloqueyo ta cutío por estar un elemento perturbador d'iste procheuto y por as suyas malas trazas, con ataques presonals cuentra la mía presona y mesmo cuentra a propia Biquipedia en aragonés. Ixo no ye pas denguna amenaza, ye a constatazión de que cuan no se cumplen as normas d'una biquipedia bi ha una sanzión, y iste usuario no en cumple á sabelas. No boi astí á charrar més, ya dizié ayer os motibos y demané por zaguera bez a suya rectificazión á iste usuario, que no nomás no fa sino que contina os suyos ataques. Ta más informazión, se puet leyer astí a mía detallada esplicazión.

Botazions

A fabor

1. --Manuel Trujillo Berges 10:38 11 abi 2009 (UTC)
2. --EBRO --EBRO 11:44 11 abi 2009 (UTC)
3. --Nil Blau 15:35 11 abi 2009 (UTC)

En contra

Niutral

Como se puet beyer, he esfeito a edizión en a cuala l'usuario Better esborraba o boto á fabor d'o suyo bloqueyo d'Ebro. Un atro feito que cal considerar. --Manuel Trujillo Berges 12:23 11 abi 2009 (UTC)

Espero poder contestar al menos. He intentado en reiteradas ocasiones zanjar el tema con Manuel, no he insultado, ni como él afirma, le he atacado, he dado mi opinión solo cuando se me ha preguntado por qué no retiraba mi afirmación de que me ha amenazado, no he ofendido a nadie, ni violado ninguna norma. Si me quereis bloquear, de acuerdo, pero simplemente decir que intento simplemente discutir un tema por las buenas, ni más, ni menos.Better 12:17 11 abi 2009 (UTC) PD.- No pretendía borrar nada, habré empezado a editar cuando el todavía no había puesto nada Better 12:28 11 abi 2009 (UTC)

Nomás ta dixar costanzia que a edizión d'Ebro ye á 11h44', y a siguient edizión de Better esborrando o suyo boto ye á 12h17', meya ora dimpués. Como ye saputo, d'estar berdat o que diz aberba bisto un conflito d'edizión. --Manuel Trujillo Berges 12:37 11 abi 2009 (UTC)

Yo he tardado un minuto en escribir eso, no sé que puede haber podido pasar, mis disculpas a Ebro por lo del voto, ha sido totalmente involuntario (estaba escribiendo la contestación...).Better 12:43 11 abi 2009 (UTC)

Por cierto, y simplemente por saber, ¿podré volver por aquí a solucionar el tema del artículo en cierto tiempo (1 día, 1 semana, 1 mes, 1 año... no se especifica)? (aunque repito que me parece un bloqueo injustificado, pero vamos, por saber ya de antemano). Better 13:00 11 abi 2009 (UTC)

Sí s'espezificaba o periodo, yera "ta cutio". "Ta cutio" en aragonés senifica "para siempre". Sí Better se desincusa publicament sobre as acusazions que fazió á Manuel reduzimos o bloqueyo á 1 mes (con albertenzia de que en un futuro puet estar ta cutio) e dimpués d'iste periodo de reflecsión olbidamos l'afer e continamos descutindo nomás sobre o tema prenzipal de l'articlo ta plegar entre toz á una buena soluzión, en un articlo á on que con referenzias se pueden recullir os diferents puntos d'ambista. Si no bi ha desincusa publica o bloqueyo estará ta cutio. En cualsiquier caso l'articlo estará bloqueyato ta que nomás os almenistradors puedan editar-lo dica que s'aiga plegato á un consenso --Willtron (?) 15:13 11 abi 2009 (UTC)