Sistema de nomenclatura binominal

Plantilla:Reformular/Lascorz En biolochía, a nomenclatura binominal (tamién dita erroniament á ormino binomial, estando iste zaguer conzeuto unicament matematico) ye un combenio estándar emplegau ta denominar espezies. Como a palabra binominal sochiere, o nombre zientifico d'as espezies ye una combinazion de dos palabras ("nombres") en latín: o nombre chenerico que endica o chenero y un epiteto u nombre espezifico que desinna a espezie. A uunión d'os dos bocables ye o nombre d'a espezie.

O nombre chenerico puede estar perfeutament compartiu por dos espezies chirmanas (Homo sapiens e Homo neanderthalensis son espezies d'o mesmo chenero) pero a cosa que desinna propiament a espezie ye a combinazión d'as dos palabras (asinas, o nombre d'a espezia umana ye Homo sapiens, no pas sapiens).

O nombre chenerico ha de lebar siempre a primera letra en mayuscla, mientres que o epiteto espezifico no ha de lebar-la. Ista norma encluye a obligazión de resaltar o nombre, o que se fa en manuscritos y testos mecanografiatos subrayando-lo, y en testos imprentatos por meyo d'a cursiba. Por exemplo: Homo sapiens, encara que tamién podría fer-se negreta: Homo sapiens, encara que no ye tan frecuent.

O nombre d'o chenero puede alcorzar-se emplegando a letra inizial si iste concuerda con o zaguer chenero nombrato con a mesma inizial aintro d'a mesma pachina y siempre que no pueda menar ta confusions. En bels casos a bersión alcorzata ye común, como en o caso d'a bauteria Escherichia coli, que gosa escribir-se como E. coli en a literatura medica y d'atros grupos profesionals allenos á la biolochía.

A nomenclatura binominal ye a forma más espezifica de denominar as espezies, pero ye nomás uno d'os cuantos estándars d'a nomenclatura biolochica, que s'ocupa tamién d'a denominazión formal en latín d'os taxons de categoría superior.