Pinus sylvestris

Pinus sylvestris
Pin royo (Pinus sylvestris)
Clasificación scientifica
Dominio: Eukaryota Reino: Plantae División: Pinophyta Clase: Pinopsida Orden: Pinales Familia: Pinaceae Chenero: ''Pinus'' Subchenero: ''P.sylvestris''
Nomenclatura binominal
''Pinus Sylvestris''
L., 1758
Mapa d'a destribuzión d'o pin royo en Eurasia.

O pin royo u pin roi (Pinus sylvestris (L., 1758)), ye un árbol de fuella perén d'o chenero Pinus, en a familia Pinaceae, amplament destribuito per Europa e Asia. En a Peninsula Iberica se troba en os pisos oromediterranio e montano d'as montañas, per tener preferenzia per os puestos de clima frido. En Aragón, ye la espezie de pin dominadera en os Perineus, pero tansament s'en i troba en a resta d'o territorio. O nombre popular, cheneral per tot Aragón, demana d'a color royisca d'a suya crosta.

Pueden creixer dica fer 30 metros d'altaria, gosando creixer dica 6 metros en os primers 10 años de bida. A suya forma ye piramidal cuan son chobens, pero se torna irregular en os eixemplars biellos. As fuellas (agullas) son simples, naixendo.-ie de dos en dos, més curtas que no en altras espezies de Pinus, d'entre 3 e 7 cm de lonchitut. Creixen bien anisolatos, pero en as selbas siempre puyan escando la luz, per lo que gosan deformar-se manifestando piroleras chiquetas en alto de tot d'un tranco finet que s'enfila bien alto; ixo fa que muitos eixemplars d'estes más chobens se tronzen cuan quedan anisolatos p. ex. cuan en tirando la madera e se tallan os altros árbols d'arredol. En a silbicultura tradizional de l'Alto Aragón esto se miraba de pribar quitando-los-ie toz en corrols, ta que no i quedesen eixemplars anisolatos.

Imachens

• 
  Pineta de pins royos.
• 
• 
  Flors.
• 
  Branca con piñas.
• 
  Crosta
• 
  Pin anisolato.
• 
  Simients.
• 
  Niedo de bruixas (estrutura patolochica) d'una rama.

Enrastres esternos

• Wikispecies tiene un articlo sobre Pinus sylvestris.
• Se veigan as imáchens de Commons sobre o pin royo.