Sant Bertolomeu

Bertolomeu u Bertolomé estió uno d'os Apóstols de Chesús. O suyo nombre (en griego Βαρθολομαίος) prozede d'o patronimico arameu bar-Tôlmay, "fillo de Tôlmai" u "fillo de Tolomeu". Ye mencionato en os tres ebanchelios sinopticos, siempre en compañía de Felipe (Mt 10:3; Mc 3:18; Lc 6:14). En o Ebanchelio de Chuan, on no aparix con o nombre de Bertolomeu, lo han identificato con Natanael, que tamién ye relazionato siempre con Felipe.

Seguntes o Ebanchelio de Chuan, Natanael estió uno d'os disziplos a los que Chesús s'aparixió en a Mar de Tiberiades dimpués d'a suya resurrezión (Chn 21:2). Seguntes os Feitos d'os Apostols, estió tamién testigo d'a aszensión de Chesús (Fe 1:13).

Seguntes una tradizión replegata por Eusebio de Zesaria, Bartolomeu se'n fue a la India a predicar l'ebanchelio, on dixó una copia d'o Ebanchelio de Mateu en arameu. A tradizión armenia li atribuye tamién a predicazión d'o cristianismo en o país surcaucasiano, chunto a San Chudas Tadeu. Os dos son consideratos santos patrons d'a Ilesia Apostolica Armenia.

Lugars d'Aragón on zelebran San Bertolomeu

Bardallur, Billar Luengo, Bezeit, Bulbuén, Calatorau, La Cañadiella, Cañizar de l'Olibar, Castellón d'Alarba, Chisagüés, Contamina, Corz d'Aragón, La Chinebrosa, Fuent Buena, Fuens Calients, Gabín, Isuerre, La Mata de los Olmos, Odón, Orés, Peralellos, Retascón, Romanos, Santa Cruz de Nogueras, Senés d'Alcubierre e Tosos.