Conoiximiento

Personificazión d'o conoximiento (en griego Επιστημη, Episteme) en a biblioteca de Celsus en Efeso, Turquía.

O conoximiento u conoxenzia ye o conchunto de datos, conzeutos e prauticas arredol d'una materia u asunto, un sinonim de saper. Tamién se puet entender como as informazions e berdaz otenitas á partir d'a reyalidat u de l'amostranza d'un mayestro.

Ta la zenzia, ye o resultato de l'aplicazión d'a razón e o metodo esperimental á lo estudeyo d'a reyalidat. Ta la sicolochía, ye o contenito d'a mente, lo que ye fruito d'un prozeso d'aprendizache, e por tanto encluye tamién a esperienzia bital e as creyenzias, no nomás d'os datos empiricos e alto u baxo ochetibos.

A epistemolochía ye a branca d'a filosofía que s'ocupa d'o estudeyo d'o conoximiento: que ye e como s'otiene. S'asume que o conoximiento s'organiza d'una manera determinata en o zerebro e ista estrutura en modifica la perzeuzión e a interazión con o mundo.

O saper ye o conchunto de conoximientos que produzen un pensamiento contino d'alcordanzas d'os conoximientos alquiritos á lo largo d'o tiempo.