Diferencia entre revisiones de «Josep Carles Laínez»

De Biquipedia
Contenido eliminado Contenido añadido
Chabi (descutir | contrebucions)
Sin resumen de edición
Chabi (descutir | contrebucions)
Linia 30: Linia 30:
* Dionysiaka (1995).
* Dionysiaka (1995).
* Del luxe del ras vora les fraules (1999).
* Del luxe del ras vora les fraules (1999).
* El naixement de la platja (2001).
* Trànsits (2000).
* Trànsits (2000).
* Anxia (2001).
* Anxia (2001).
* Berlín (2001).
* Berlín (2001).
* Memorial (2001).
* Memorial (2001).
* El naixement de la platja (2001).
* Umbrae (2002).
* Umbrae (2002).
* Lux (2003).
* Lux (2003).

Versión d'o 20:03 6 oct 2009

Iste articlo u sección ha menester d'un wikificato con un formato adecuato a lo manual d'estilo de Biquipedia.
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando!

Plantilla:Infobox famosos Josep Carles Laínez ye un escritor e articulista en luenga aragonesa e castellana naxito en 1970 de Balenzia.

Os suyos orichens familiars son en Ferreruela de la Uerba, (Tergüel), en Millana (Guadalachara) y en l'Alto Palanzia, una de as comarcas churras en do se charra l'aragonés repuyal común a tot o sur d'Aragón. Ye por ista nesezidat de tornata enta o propio por o que, en un largo prozeso que escomenzipió en 1984, tornó a ra suya luenga mai y la consideró dende allora a suya luenga literaria por eszelenzia. Lizenziato en Filolochía Balenziana, Española e en Comunicazión Audiobisual, estió un de os miembros fundadors, en agosto de 1989, de a Colla de Fablans d'o Sur d'Aragón, asinas como redautor de a rebista Ruxiada, que surtió pocos meses dimpués de o que simbolizó ixa fita de rebitalizazión de l'aragonés ta ras zonas meridionals d'Aragón. Os suyos primers poemas amanixión en a debandita publicazión, "Canta trista", sobre os cualos fizo un emponderato articlo en o Diario de Teruel o cretico Juan Manuel Vera Selma. De a mesma traza, a rebista publicata por o Rolde d'Emigrans Aragoneses en Balenzia, Rechitos, dio a ra luz a suya breu replega "Orache ta prenzipiar a primabera", asinas como atros poemas, narrazions e articlos. En 1991, publicó o suyo primer poemario en bolumen, En o gudrón espígol xuto, dientro de Sur Edizions de Tergüel. Se trauta d'un conchunto d'onze poemas an que tienen una espezial predominanzia os elementos sadomasoquistas e de zierta biolenzia erotica. En 1992, otenió un aczésit en o Premio "Ana Abarca de Bolea" por o suyo libro Peruigilium Veneris, que estió editato l'año siguient por o Consello d'a Fabla Aragonesa, instituzión de a cuala Laínez en fa parte, grazias a ra solizitut de Francho Nagore Laín, dende 1993, como consellero de pleno dreito. Peruigilium Veneris ye un conchunto de prosas poeticas que han como fundo a fegura de a poetisa griega Safo, encara que dende una ambiesta contemporania. Dica l'añada 1998, no tornó a dar a ra imprenta un nuebo poemario, Bel diya, tamién aczésit en o VIII Premio de Poesía "Ana Abarca de Bolea". Bellos poemas de a sezión "Bayía de San Francisco" han conoxito traduzions enta o estonio e o italiano. Drento de a demba narratiba, en 1995, o Consello d'a Fabla Aragonesa publicó a suya nobela curta A besita de l'ánchel, testo pro esperimental sobre a fegura de o papa Silbestre II. O suyo zaguer libro en aragonés dica agora ye Deseyos batalers, de 1999, an que replega os articlos que beyoron a luz en o periodico Siete de Aragón. Escribe tamién dende metat de a decada de os nobenta en a bariedat de l'aragonés repuyal de Caudiel, o suyo lugar.

Obras

  • En o gudrón espígol xuto (1989).
  • Peruigilium Veneris (1992).
  • Bel diya (1998).
  • A besita de l'ánchel (1995).
  • Deseyos batalers (1999).
  • Dionysiaka (1995).
  • Del luxe del ras vora les fraules (1999).
  • Trànsits (2000).
  • Anxia (2001).
  • Berlín (2001).
  • Memorial (2001).
  • El naixement de la platja (2001).
  • Umbrae (2002).
  • Lux (2003).
  • Sacra (2003).

Referenzias


Enrastres esternos

Blogs