Mecanica quantica

Imachen ilustratiba d'a dualidat onda-particla, en a cuala se puet beyer como un mesmo fenomén puet tener dos perzeuzions distintas.

A mecanica cuantica conoxita tamién como mecanica ondulatoria e como fesica cuantica, ye a branca d'a fesica que estudeya o comportamiento d'a luz e d'a materia á escala atomica e subatomica. Os suyos prenzipios basicos s'aplican á muitos d'os campos d'a fesica e a quimica autuals, como por exemplo, a fesica de particlas, a fesica nucleyar, a fesica d'a materia condensata, a fesica atomica e molecular, a computazión cuantica, a optica cuantica, a quimica cuantica e a quimica computazional. Chunto con a relatibidat cheneral, a mecanica cuantica ye un d'os pilars d'a fesica moderna. Á escala macroscopica, as lais d'a mecanica clasica s'amanan á las d'a mecanica cuantica. Surtió á prenzipios d'o sieglo XX ta mirar d'esplanicar dibersos resultatos esperimentals de fenomens d'orichen microscopico que no se podeban entender con a fesica clasica.