Diferencia entre revisiones de «Ultravrioleta»

De Biquipedia
Sin resumen de edición
m Ultrabioleta tresladada á Ultrabrioleta
(Garra diferencia)

Versión d'o 22:24 2 set 2009

Lampa fluoreszente de luz ultrabioleta. A radiazión ultrabioleta no ye bisible; manimenos, muitas d'as lampas ultrabioletas emiten marchinalment parti d'a suya luz en a zona adyazent d' espectro bisible, por lo que se beyen d'una color bioleta.

O ultrabioleta, radiazión ultrabioleta u luz ultrabioleta (UV) ye a radiazión eletromagnetica con una longaria d'onda menor á la luz bisible e mayor á la d'os rayos X. A suya longaria d'onda ba alto u baxo dende os 400 nanometros dica os 15 nanometros e presenta enerchías d'entre 3 e 124 eV. O nombre senifica «más allá d'o bioleta» (d'o latín ultra), o bioleta ye a color bisible con a longaria d'onda más curta e la d'a radiació ultrabioleta ye encara más curta.

A radiazión ultrabioleta se troba en as radiazions solars e tamién ye emesa por os arcos eletricos e por bels tipos de lampas que produzen luz negra. Ya que se trata d'una radiazión ionizant puet prebocar reazions quimicas e a fluoreszenzia de ziertas sustanzias. Iste tipo de radiazión ye nozibo ta la salut, preboca o bronzeyato pero tamién pueden causar cáncers cutanios como lo melanoma, o abiellimiento prematuro d'a piel (corrucas), cremazos, cataratas, etz.