Delicias (Zaragoza)

Zentro
Destrito de Zaragoza
Entidat  • País  • Ziudat	Destrito Aragón Zaragoza
Superficie  • Total	3.28 etarias
Nº distrito	2
Delizias en Zaragoza

As Delizias ye un destrito de Zaragoza (Aragón). Se dibide en os bicos d'A Bombarda, A Bozada, Delizias, Monsalut e Parque Roma. Muga con os destritos de L'Almozara, Zentro, Oliver-Bal de Fierro e Unibersidat. Ye o segundo destrito más poblato de Zaragoza y o destrito con mayor densidá de poblazión (33.647,93 abitans/km²), d'os cualos un 9,26% son inmigrans.

Serbizios

Mugant con iste destrito, pero dentro de l'Almozara, se troba la estazión de ferrocarril de Zaragoza, inagurata en 2003 en o mesmo puesto á on yera l'antiga estazión de Delizias (ista sí que yera aintro d'o destrito Delizias). Ha rezibito lo premio Brunel, o más prestichioso premio d'arquiteutura ferrobiaria.

Bi ha dos parques, o Parque d'o Castiello Palomar en Monsalut e o Parque d'as Delizias en os terrens que ocupaba d'antis más o Espital Siquiatrico.

Un d'os grans zentros comerzials de Zaragoza, o Zentro Comerzial Augusta se troba situato en este destrito, chunto á la estazión, antiparti d'o Zentro comerzial que bi ha en a propia carrera de Delizias.

Estazión de Delizias e Parque d'o Castiello Palomar

Istoria

A istoria d'o bico de Delizias data de comenzipios d'o sieglo XX, encara que no estió reconoxito como bico dica las añadas trenta. O bico naxe ta acubillar l'aumento de poblazión, sobre tot fainera, en tiempos d'a industrializazión. A plegata d'o ferrocarril, a instalazión d'o gas e a eletrezidat propizioron a creyazión de nuebas industrias e o cautibo de remolacha que creyoron treballo fendo crexer o bico. A meyatos de sieglo estió un bico on s'establiba chent probenient d'a probinzia de Soria.

As primeras edificazions teneban un siñalato carauter rural. Yeran bibiendas d'una u dos altarias, con un espazio destinato á corral u güerto. O nuclio primitibo d'o barrio se situaba a mán d'o palazio de l'Alchafaría. Ya en a decada d'os güitanta se creyan en o bico más redoladas berdas e d'espardimiento. En os primers años d'o sieglo XXI, parte d'a poblazión se'n ba t'atros bicos, muitos d'ellos ta Miralbueno, e o bueito poblazión ye plenato por poblazión inmigrant de muitos orichens, destacando Delizias entre atros bicos con as mesmas zercustanzias por a poblazión d'orichen subsaharián.

Mugas

Plan d'o destrito

Seguntes os plans zensals d'o Conzello de Zaragoza as mugas d'o destrito son:

• Á lo norte, con o destrito de l'Almozara mugan a parti trasera d'o Zentro Comerzial Augusta (aintro d'o destrito Delizias), a frontera d'a Estazión Delizias (aintro d'o destrito Almozara), a carrera Felisa Soteras, e l'Abenita de Madrit.
• Á l'este, con so destritos d'o Casco Antigo e Zentro mugan o Paseyo María Agustín e Abenita Anselmo Clavé.
• Á lo sur, con o destrito Unibersidat mugan l'Abenita de Balenzia, a carrera San Juan Bosco e l'Abenita Gómez Laguna.
• Á l'ueste, con o destrito Oliver-Bal de Fierro muga la Bía Ispanidat.

Fiestas

• Comenzipios de Setiembre