Chelva

Chelba (Chelva en grafía SLA y en castellán) ye un monezipio d'a probinzia de Balenzia, situato en a redolada de Los Serrans. A suya poblazión ye de 1938 abitans (2005), en una superfizie de 190,6 km² con una densidat de 10,17 ab/km².

Cheografía

Ye situato en a ribera d'o río Chelba, afluent d'o Río Blanco. O suyo termín ye muito montañoso, con sierras que pertenexen u á la sierra de Chabalambre u á la Sierra d'Utiel. Chelba da nombre a una formazión de piedras calsineras churasicas muito estendita por o Sistema Iberico clamata Calsineras de Chelba.

Bi ha una estensa pineta de pin borde.

Istoria

Dimpués d'a rebuelta de Al-Azraq la repobloron con cristians d'orichen aragonés en 1370.

Nombre

O suyo nombre probién d'o latín SILVA, con o mesmo sennificato que n'aragonés Selva. Se crei que ye un toponimo mozarabe. O paso de s- inizial ta ch- se produze tamién en aragonés en cheringa, chulla y chiflar.

Enrastres esternos

• www.Chelva.es, ayuntamiento de Chelba.
• http://www.geocities.com/chelvaweb/?200725