Berbería

Mapa de situazión d'as etnias berbers. Os berbers abioron prsenzia en as costas de Marruecos, Alcheria y Tunizia.

Berbería u Costa berberisca ye o termino que os europeus feban serbir dende o sieglo XVI dica o XIX pa referir-se a las rechions costeras de Marruecos, Archelia, Túnez e Libia, ye dizir, l'autual Magreb, fueras d'Echipto. O nombre deriba d'os berbers, alabez ditos berberiscos. En Ozident, o termin s'emplega por un regular pa parlar d'os piratas e os comerziants d' esclabos que poblaban ixas costas e basaban en estas autibidaz lur economía e que suposaban una amenaza costant pa as embarcazions comerzials e dica as ziudaz costeras d'o Mediterranio.

Berbería cuasi nunca no ha tenito un gobierno unificato. Dende o sieglo XVI enta debant, se trobó dibidita entre entre Marruecos, Archelia, Tunizia (güei Túnez) e Tripolitania (güei Libia). Entre os gobernants més zelebres d'estos territorios estioron o Pachá u Bey d' Archel, o Bey de Túnez y o Bey de Tripoli, toz ellos tributarios d'o Soldán d'o Imperio Otomán, pero con gran autonomía de gobierno.

En a istoria d'España, a rechión tien una gran relebanzia como patria d'acollita d'os moriagos, que desembolicoron autibidaz de piratería en ixas embueltas de Felipe III e Felipe IV. Salé, por exemplo, estió gobernata por piratas berberiscos, que aprobeitando os conoximientos d'as costas españolas d'os moriagos, atacoron o Lebant español en buena parte d'o sieglo XVI.