Lorda

Plantilla:Localidá de Franzia Lorda (Lorda [ˈluɾðɔ] en oczitán; Lourdes en franzés) ye una ziudá franzesa, en o departamento de Hautes-Pyrénées. Ye o punto de pelegrinazión más importán de Franzia ta os catolicos, e un d'os prenzipals en o mundo. Se troba en tierras oczitanas, á piet de os Pirinés, amanata á Aragón, dende o cual os aczesos son fázils per a banda de Chaca u per Bielsa. A poblazión ye de bels 17.000 abitadors.

Se conta que en febrero de 1858 a Birchen María apareixió debán d'una misacha de 14 años que se clamaba Bernadette Soubirous en a remota Grota de Massabielle. A estatua de a Birchen de Lorda s'erichió en ixe puesto en 1864. Luego a capiella se cambió per una basilica de pelegrinazión. Bernadette Soubirous dentró en o Monesterio de Nevers en 1866 e estió canonizata en 1933.

Cada año, de marzo ta d'otubre, o Santuario de Nuestra Siñora de Lorda ye zentro de pelegrinazions en masa, benitas d'Europa e d'altros cabos de o mundo. Se creye que l'augua de a fuen de a grota poseye propiedaz curatibas. A Ilesia Catolica Romana en ha reconoixito ofizialmén 66 curazions miraglosas.

O complexo relichioso abraca bellas ilesias, capiellas, biacruzis, e zientos d'otels e botigas. Fueras de o interés relichioso, a ziudá conta con un castiello fortificato meyebal.

Lorda s'emplega tamién como antroponimo de muller.

Enlaze esterno

• Portalada de os sitios ofizials de Lorda
• O sitio ofizial de os santuarios de Lorda