Diferencia entre revisiones de «Solido bizantín»

De Biquipedia
Contenido eliminado Contenido añadido
m robot Añadido: ro:Solidus
JAnDbot (descutir | contrebucions)
m robot Añadido: la:Solidus (moneta)
Linia 32: Linia 32:
[[it:Solido (moneta)]]
[[it:Solido (moneta)]]
[[ja:ソリドゥス金貨]]
[[ja:ソリドゥス金貨]]
[[la:Solidus (moneta)]]
[[lt:Solidas]]
[[lt:Solidas]]
[[mk:Солидус (монета)]]
[[mk:Солидус (монета)]]

Versión d'o 10:04 10 mar 2009

Lo solido bizantín estió una moneda d'oro creyata por lo emperador Costantín I lo Gran (272-337), rezibe tamién lo nombre de nomisma e bezant. Las palabras sueldo e soldato probienen de lo latín SOLIDUS. Lo suyo peso ye de d'alto u baxo 4,5 gramos, con un diametro de 22 mm e una lei de fino u pureza de 0,900.

Lo solido tien dos frazions: el semis, equibalent á 1/2 solido, e lo trient, equibalent á 1/3 de solido. En latín lo plural de solido (solidus) ye solidii.

Solido de Chulián, sieglo IV

La parabra solidus la eba emplegata enantes Dioclezián (284-305) pa clamar á la moneda d'oro que él mesmo introduzió e que yera diferenta de la que introduziría dimpués Costantín. La moneda teneba una balura teorica de 1/72 de la libra romana (d'alto u baxo 4,5 g). Los solidii yeran más amplos e finos que l'aureu, fueras de bellas emisions de baxa calidat de lo Imperio Román d'Orient. Tamién se produzioron semissis (meyo solido) e tremissis (un terzio de solido).

Con la creyazión de lo solido bizantín, Costantín I prinzipió una reforma monetaria que permitió estabilizar la economía en lo Imperio Román, que se trobaba en crisis, lo que consiguió, esdebenindo lo solido en la base de la economía de lo Imperio Román d'Orient. Lo solido mantenió una valura costant en Ozident dica lo sieglo IX, emplegando-se en Orient dica lo sieglo XI como moneda de cambeyo en lo comerzio internazional.

Lo suyo prestichio se basaba en la permanenzia de lo suyo peso e la suya pureza.

Los primers solidos (solidii) lebaban la imachen de lo emperador Costantín I en l'amberso u cara prinzipal e bella alegoría pagana romana en lo reberso, que la cambeyoron por una imachen de la cruz griega u un anchel dimpués de 313 (legalizazión de lo Cristianismo).

Cuan reinaba lo emperador Chustinián II (685-695 y 705-711), las imachens de los emperadors las acuñaban en lo reberso, quedando una representazión de Cristo en la cara prinzipal.

Lo califa omeya Abd al-Malik ibn Marwan acuñó entre los años 691 y 692 una moneda clamata dinar, que teneba las mesmas carauteristicas de pureza e peso de lo solido bizantín, agudizando la baralla politica, relichiosa e melitar qie i eba entre lo Imperio Bizantín e lo califato Omeya. Lo califa establió en l'año 697 que lo dinar lebase marcatos bersos de l'Alcorán en as dos caras.

La acuñazión de lo solido la interrumpió lo emperador Alexo Comneno (1081-1118), que la cambeyó por atra de mayor pureza clamata hyperpyron.

La parabra soldato deriba de solidus, fendo referencia á que á los soldatos lis se pagaba con solidos. La parabra Solidus tamién ye l'orichen de la parabra sueldo.