Wiki

Un wiki u una wiki (d'o hawaiano wiki wiki, «rapido») ye un puesto web colaboratibo que puede estar editato por barios usuarios (por exemplo a Wikipedia). Os usuarios d'una wiki pueden creyar, editar, borrar u cambear o contenito d'una pachina web, de traza interactiba, fázil y rapida; ditas fazilidaz fan d'a wiki una aina efeutiba ta la escritura colaboratiba.

A tecnolochía wiki premite que pachinas web aloxadas en un serbidor publico sigan escritas de traza colaboratiba á trabiés d'un nabegador, emplegando una notazión simpla ta dar formato, creyar enlazes, ezt, conserbando un istorial de cambeos que premite recuperar fazilment cualsiquier estato anterior d'a pachina. Cuan belún edita una pachina wiki, os suyos cambeos amanixen auto contino en a web, sin pasar por garra mena de rebisión prebia.