Donatello

Donato di Niccolò di Betto Bardi, conoxito como Donatello, naxito de Florenzia (Toscana, Italia) arredol de 1386 y muerto en Florenzia (Toscana, Italia) o 13 d'abiento de 1466, estió un escultor italián. Con Leon Battista Alberti, Filippo Brunelleschi y Masaccio ye considerato uno d'os creyadors d'o estilo artistico renaxentista, superando asinas as conzezions de l'arte gotico, logrando l'altura d'as millors obras de l'arte grieco u l'arte román.

Una d'as prenzipals carauteristicas de Donatello ye l'emplego d'o baxorreliebe, ta dar profundidat á las esculturas, dandoles asinas aspeuto más umán, y emplegó barias tecnicas (bulto redondo u stiacciato, á mas d'o baxorreliebe) en os suyos treballos por toda Italia: Florenzia, Prato, Siena u Padua.