Revolución rusa de 1917

Iste articlo ye sobre a Reboluzión rusa de 1917. Ta atros usos se beiga Reboluzión rusa (desambigazión).

Imachen:Soviet Union, Lenin (55).jpg

Lenin en a Reboluzión d'Otubre

A Reboluzión rusa de 1917 estió un mobimiento politico en Rusia que remató en 1917 con a espulsión d'o gubierno probisional que eba remplazato lo sistema zarista, lo que lebó á la fin á lo establimiento d'a Unión Sobietica, que duró dica la su caíta en 1991.

En a Reboluzión pueden distinguir-sen dos fases:

• A primera estió la dita Rebolución de Febrero de 1917, que esplazó l'autocracia d'o zar Nicolás II de Rusia, o zaguero d'a istoria, e teneba a intinzión d'instalar una republica liberal en o país.
• A segunda fase estió a Reboluzión d'Otubre, en a que os soviets, inspiratos e controlatos cada begata más por o Partido Bolchebique de Vladímir Ilich Uliánov, más conoxido como Lenin, prenioron o poder d'o gubierno probisional dirixito por Aleksandr Kérensky. Ista segunda reboluzión s'estendilló por tota Rusia, tanto por as ziudaz como por as zonas rurals.